“Putinning g‘alaba qozonishiga yo‘l qo‘ya olmaymiz” — NATO bosh kotibi

Ruminiyada bo‘lib o‘tgan NATO sammitida alyans bosh kotibi Yens Stoltenberg urushda Rossiya prezidenti Vladimir Putinning g‘alaba qozonishiga yo‘l qo‘yib bo‘lmasligini aytdi. Bu haqda BBC xabar berdi.

NATOga a’zo davlatlar tashqi ishlar vazirlari ikki kun davomida Buxarestda yig‘ilib, Ukrainaga yordam ko‘rsatishni muhokama qildi. Sammit ochilishida NATO bosh kotibi Yens Stoltenberg alyans o‘z hududining har bir qarichini bosqindan himoya qilishga tayyor bo‘lishidan ogohlantirdi.

Uning ta'kidlashicha, alyans Ukrainadagi mojaroda ishtirok etmaydi, biroq NATO Kiyevga Rossiyadan o‘zini himoya qila olishi uchun yordam beradi.

“Biz Putinning g‘alaba qozonishiga yo‘l qo‘ya olmaymiz, aks holda bu boshqa avtoritar rahbarlarga yashil chiroqni bildiradi. Ularga harbiy kuch orqali o‘z maqsadlariga erishish mumkinligini ko‘rsatadi. Bu dunyodagi vaziyatni yanada xavfliroq qiladi. Shuning uchun Ukrainani qo‘llab-quvvatlash bizning umumiy xavfsizlik manfaatlarimiz uchundir”, — dedi Stoltenberg.

U Rossiyani urushda shafqatsizlikni kuchaytirayotganlikda ayblab, uning Yevropa va dunyoning boshqa mamlakatlariga yuklagan moliyaviy yukini eslatib o‘tdi.

“Aslida, biz hammamiz Ukrainadagi Rossiya urushi uchun tovon to‘laymiz. Lekin biz buni pul bilan, Ukraina esa qon bilan to‘laydi”, — dedi alyans bosh kotibi.

Mavzuga doir:

• NATOning 30 davlatidan 20 tasida Ukrainaga yuboriladigan qurol zaxiralari tugadi — NYT
• NATO bosh kotibi Ukraina uchun qish “dahshatli” boshlanishi haqida gapirdi
• NATO bosh kotibi Putinning ikkita strategik xatosini aytdi