Bugun,

  • USD 11095.31
  • RUB 173.84
  • EUR 10772.44

Qozog‘iston prezidenti Qosim-Jo‘mart To‘qayev Rossiya va O‘zbekiston bilan uch tomonlama ittifoq tuzish masalasini ko‘rib chiqishga tayyorligini, biroq bu “mavzuni tushunishi” kerakligini aytdi. Bu haqda “RIA Novosti” xabar berdi.

Foto: Kremlin.ru

Foto: Kremlin.ru

“Bugun Vladimir Vladimirovich qandaydir uch tomonlama ittifoq tuzish zarurligi haqida gapirdi va u O‘zbekiston prezidentiga qo‘ng‘iroq qilmoqchiligini aytdi.

Istalgan natija va kelishuvlarga erishish uchun biz ham hech bo‘lmaganda bu mavzuni chuqur o‘rganishimiz kerak. Aslida biz bunga tayyormiz”, — dedi u Rossiya bosh vaziri Mixail Mishustin bilan uchrashuvda.

Qozog‘iston prezidenti Putinning taklifiga ko‘ra, 27-noyabr kuni Moskvaga bordi. 28-noyabr kuni davlat rahbarlari muzokaralar o‘tkazdi. To‘qayev uchrashuvda Rossiya bilan munosabatlarga to‘xtalib o‘tdi.

“O‘tgan oy biz mamlakatlarimiz uchun muhim sana – diplomatik munosabatlar o‘rnatilganining 30 yilligini nishonladik. Bu vaqt mobaynida davlatlarimiz mustahkam do‘stlik va yaxshi qo‘shnichilik rishtalariga asoslangan o‘zaro manfaatli strategik sheriklik munosabatlarini yo‘lga qo‘ya oldi”, — degan Qozog‘iston prezidenti.

Shuningdek, To‘qayev Rossiya va Qozog‘iston o‘rtasidagi munosabatlarda muzokaralar olib borishni talab qiluvchi masalalar, xususan, gaz sohasi borligi, lekin Ostona vaziyatni murakkablashtirmasligini aytdi.

“Men hozirgina Vladimir Vladimirovichga shunday masalalar borligini aytdim. Ular muhokamani talab qiladi, lekin mutlaqo dramatizatsiyasiz. Bular amaliy masalalar bo‘lib, biz tegishli kelishuvlarga erishamiz, deb ishonaman”, — deydi To‘qayev.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
“O‘tgan yil davomida ichki ishlar xodimlari bilan bog‘liq 644 ta salbiy video tarqalgan” — Shohrux G‘iyosov