Meksika prezidenti Andres Manuel Lopes Obrador poytaxtda ommaviy “xalq yurishi”ni olib bordi. Bu haqda Deutsche Welle xabar berdi.
Prezident matbuot kotibi Xesus Ramiresning aytishicha, mitingda kamida 1,2 million kishi qatnashgan. Mutaxassislarning fikricha, bu 40 yil ichida Meksika prezidenti boshchiligidagi birinchi marsh hisoblanadi.
“Meksika endi oligarxiya tomonidan boshqarilmaydi, endilikda u kambag‘allarga ustunlik beradigan demokratik tizimdir”, — dedi Lopes Obrador.
Prezident marshi 2024-yilga mo‘ljallangan navbatdagi umumiy saylovlar oldidan bo‘lib o‘tmoqda. Meksika prezidentlarini saylash bir marotaba olti yillik muddat bilan cheklangan, ya’ni Obrador yana o‘z nomzodini qo‘ya olmaydi.
Shahar meri va prezidentning eng yaqin safdoshlaridan biri Klaudiya Sheynbaum marshda bir milliondan ortiq odam qatnashganini aytgan.
“Bu prezident Lopes Obrador bilan tarixiy marsh bo‘ldi. Hech qanday ko‘ngilsiz voqea yuz bermadi, hattoki bir stakan singani ham yo‘q. Jamoat xavfsizligi boshqarmasi marshda 1,2 million kishi ishtirok etganini ma‘lum qildi”, — deydi Sheynbaum.
Izoh (0)