Bugun,

  • USD 11095.31
  • RUB 173.84
  • EUR 10772.44

Kollektiv xavfsizlik shartnomasi tashkiloti (KXSHT) bosh kotibi Stanislav Zas Ukrainadagi maxsus operatsiya chog‘ida Rossiya tomonidan yadro quroli qo‘llanilishi ehtimolini istisno qildi, deb yozadi “Interfaks”.

Stanislav Zas

Stanislav Zas
Foto: “RIA Novosti”

“Yadro qurolidan foydalanishga kelsak, KXSHTga a’zo mamlakatlardan faqat bittasi — Rossiya Federatsiyasi yadro quroliga ega. Harbiy doktrinada qanday hollarda yadro quroli qo‘llanilishi ko‘zda tutilgan. Lekin mening fikrimcha, hatto hozirgi qiyin, juda keskin vaziyatda ham yadro qurolini qo‘llash imkoniyati rad etiladi”, — dedi KXSHT rahbari Belarusning ONT telekanaliga bergan intervyusida.

“Shu bilan birga, faqat Rossiya emas, balki jahon siyosatining barcha subyektlarida bunday qadamlarning halokatli oqibatlari haqida tushuncha bo‘lishi kerak. Shuning uchun men hozirgi sharoitda yadro quroli qo‘llanilishi ehtimolini inkor qilaman”, — deya qo‘shib qo‘ydi u.

Bundan tashqari, Zas KXSHT gibrid hujumlarga javob qaytarishga to‘liq tayyor emasligini aytdi. Uning so‘zlariga ko‘ra, buning obyektiv sabablari bor.

“Bizning tashkilotimiz eng boshida davlatlarimiz xavfsizligi uchun faqat harbiy tahdidlarni qaytarish maqsadida yaratilgan. O‘tgan 20 yil ichida juda kuchli transformatsiya sodir bo‘ldi, biz tobora davlatlarimiz xavfsizligini ta’minlash uchun kompleks maydonga aylanib boryapmiz. Bu ham terrorchilik xususiyatiga ega tahdidlar, ham narkotrafik, ham AKT sohasidagi jinoyatchilik. Ya’ni mamlakatlarimizning hamkorlik tizimi kengaymoqda. Bu esa biz tayyormizmi-yo‘qmi, shu masalaga muvofiq kelmoqda… Ha, biz hozircha tayyor emasmiz, ammo shunga qarab ketyapmiz”, — deya ta’kidladi bosh kotib.

Ma’lumot uchun: gibrid urush — dushmanlarcha harakatlar turi bo‘lib, unda hujum qiluvchi tomon klassik harbiy istiloni qo‘llamaydi, balki yashirin operatsiyalar, qo‘poruvchiliklar, kiberurushlardan foydalanib hamda dushman hududida faoliyat olib boruvchi isyonchilarni qo‘llab-quvvatlash orqali o‘z raqibini bostiradi.

KXSHT nima?

Kollektiv xavfsizlik shartnomasi tashkiloti — ayni paytda Armaniston, Belarus, Qozog‘iston, Qirg‘iziston, Rossiya va Tojikistonni o‘z ichiga olgan Yevrosiyo hukumatlararo harbiy ittifoqi. Tashkilotni tuzish haqidagi shartnoma 1992-yil 15-mayda imzolangan.

KXSHT maqsadlari tinchlikni, xalqaro va mintaqaviy xavfsizlik va barqarorlikni mustahkamlash, a’zo davlatlar mustaqilligi, hududiy yaxlitligi va suverenitetini kollektiv asosda himoyalashdan iborat.

Izoh
Asosiy yangiliklar
Dunyo
Turkiya va Suriyadagi zilzila nega halokatli oqibatlarga olib keldi?
Mahalliy
“Qardoshlarimizga hamdardmiz”. O‘zbek jamoatchiligi Turkiyadagi zilzilaga munosabat bildirdi
Mahalliy
Shavkat Mirziyoyev harbiy xizmatga navbatdagi chaqiruv bo‘yicha qarorni imzoladi