Gollivud aktyori Jonni Depp “Karib dengizi qaroqchilari” filmining yangi qismida suratga tushmaydi
Britaniyaning The Sun tabloidi Jonni Deppning “Karib dengizi qaroqchilari” franshizasidagi Jek Chittak roliga qaytishini e’lon qildi. Biroq Daily Mail nashri bu ma’lumotni rad etdi.
Taxminlarga ko‘ra, suratga olish jarayonlariga chaqirilgan aktyorlar ro‘yxatida Deppning ismi ko‘rsatilgan. Filmning oltinchi qismi shartli ravishda “Karib dengizi qaroqchilari: Dengizdagi kun” deb nomlanadi va Deppning kelishuvi 301 million dollarga baholanmoqda. Filmni suratga olish ishlari fevral oyida boshlanishi rejalashtirilgan.
Bahorda “Karib dengizi qaroqchilari” filmning bosh prodyuseri Jerri Bryukxaymer Deppning franchayzingda suratga tushishi hali aniq emasligini ta’kidladi.
Iyun oyida aktyor sudda sobiq rafiqasi Ember Xyord ustidan g‘alaba qozonishga muvaffaq bo‘ldi. Depp, shuningdek, “Janna Dyubarri” tarixiy dramasida suratga tushdi. Hozirda u italiyalik arxitektor Modilyani haqidagi bayopik filmning suratga olish jarayonlariga tayyorlanmoqda.
Aktyor Jonni Depp oxirgi marta 2017-yilda “Karib dengizi qaroqchilari: Murdalar ertak aytmaydi” filmida Jek Chittak rolini ijro etgan. Yaqinda aktrisa Margot Robbi bilan suratga olinishi rejalashtirilgan “Karib dengizi qaroqchilari” filmining yangi spin-offi Disney tomonidan bekor qilindi. Aktrisaning so‘zlariga ko‘ra, loyiha ayol qahramonga qaratilganligi tufayli, ular bunday filmni suratga olishni istamaydi.
Mavzuga doir:
- OAV: Jonni Depp “Karib dengizi qaroqchilari”dagi roliga qaytishi mumkin.
- Jonni Depp 300 mln dollar va millionta alpaka uchun ham “Karib dengizi qaroqchilari”dagi Jek Chittak roliga qaytmasligini ma’lum qildi.
- Dengiz kasalligidan aziyat chekkan aktyorlar va haqiqiy prototipga ega Jek Chittak: “Karib dengizi qaroqchilari” filmi haqida hayratda qoldiradigan 10 ta fakt (foto).
