Британиянинг The Sun таблоиди Жонни Деппнинг «Кариб денгизи қароқчилари» франшизасидаги Жек Читтак ролига қайтишини эълон қилди. Бироқ Daily Mail нашри бу маълумотни рад этди.
Тахминларга кўра, суратга олиш жараёнларига чақирилган актёрлар рўйхатида Деппнинг исми кўрсатилган. Фильмнинг олтинчи қисми шартли равишда «Кариб денгизи қароқчилари: Денгиздаги кун» деб номланади ва Деппнинг келишуви 301 миллион долларга баҳоланмоқда. Фильмни суратга олиш ишлари февраль ойида бошланиши режалаштирилган.
Баҳорда «Кариб денгизи қароқчилари» фильмнинг бош продюсери Жерри Брюкхаймер Деппнинг франчайзингда суратга тушиши ҳали аниқ эмаслигини таъкидлади.
Июнь ойида актёр судда собиқ рафиқаси Эмбер Хёрд устидан ғалаба қозонишга муваффақ бўлди. Депп, шунингдек, «Жанна Дюбарри» тарихий драмасида суратга тушди. Ҳозирда у италиялик архитектор Модиляни ҳақидаги баёпик фильмнинг суратга олиш жараёнларига тайёрланмоқда.
Актёр Жонни Депп охирги марта 2017 йилда «Кариб денгизи қароқчилари: Мурдалар эртак айтмайди» фильмида Жек Читтак ролини ижро этган. Яқинда актриса Маргот Робби билан суратга олиниши режалаштирилган «Кариб денгизи қароқчилари» фильмининг янги spin-offи Disney томонидан бекор қилинди. Актрисанинг сўзларига кўра, лойиҳа аёл қаҳрамонга қаратилганлиги туфайли, улар бундай фильмни суратга олишни истамайди.
Мавзуга доир:
- ОАВ: Жонни Депп «Кариб денгизи қароқчилари»даги ролига қайтиши мумкин.
- Жонни Депп 300 млн доллар ва миллионта алпака учун ҳам «Кариб денгизи қароқчилари»даги Жек Читтак ролига қайтмаслигини маълум қилди.
- Денгиз касаллигидан азият чеккан актёрлар ва ҳақиқий прототипга эга Жек Читтак: «Кариб денгизи қароқчилари» фильми ҳақида ҳайратда қолдирадиган 10 та факт (фото).
Изоҳ (0)