Moskvadan Toshkentga uchgan samolyot Navoiyga yo‘naltirildi

Uzbekistan Airways’ning Moskvadan Toshkentga uchgan samolyoti Navoiy aeroportiga yo‘naltirildi. Bu haqda “Novosti Tashkentskogo neba” Telegram-kanali xabar qildi.

Ushbu aviakompaniyaning 6-noyabr kuni soat 23:21 da Domodedovo aeroportidan Toshkentga uchgan HY602 reysi noqulay ob-havo sharoiti (shamol) tufayli aeroportga qo‘na olmay, Navoiyga yo‘naltirilgan.

7-noyabr kuni soat 7:24 da samolyot Navoiydan Toshkentga kelib qo‘ngan.