O‘zbekiston futzal terma jamoasi Marokashga qarshi o‘tadigan o‘rtoqlik o‘yinlari uchun qaydnomani e’lon qildi

O‘zbekiston futzal milliy terma jamoasi 2-noyabrdan navbatdagi yig‘inni boshlaydi.

Terma jamoa 7 va 8-noyabr kunlari Marokashga qarshi o‘rtoqlik o‘yinlarida ishtirok etadi. Xalqaro o‘rtoqlik o‘yinlari Marokashning Rabot shahrida o‘tkaziladi.

Bahodir Ahmedov ushbu yig‘inda ishtirok etadigan futzalchilar ro‘yxatini e’lon qildi.

Darvozabonlar: Rustam Umarov (“Jizzax Kenteks”), Ravshan Eliboyev (“BMB”);

O‘yinchilar: Ixtiyor Ropiyev, Ilhom Hamroyev, Anasxon Rahmatov, Dilshod Rahmatov, Elbek To‘lqinov, Shahram Faxriddinov (barchasi “Jizzax Kenteks”), Husniddin Nishonov, Davron Choriyev, Mashrab Odilov (barchasi “BMB”), Davlat Ibragimov, Xayrulla Solihov (ikkisi “OKMK”), Asilbek Isroilov (“Bunyodkor”).