Buxoro viloyati Sanoatchilar ko‘chasidagi sobiq “Buxoroteks”ga qarashli majmua kimoshdi savdosiga qo‘yilgan edi. “E-auksion” portalidagi ma’lumotlarga ko‘ra bino sotilgan.
Lot auksionga Davlat aktivlarini boshqarish agentligi Buxoro viloyati hududiy boshqarmasi tomonidan qo‘yilgan.
Yer uchastkasining umumiy maydoni — 17,5 gektar. Binoning maydoni — 115 ming kvadrat metr. Majmuada gaz, suv, elektr ta’minoti mavjud bo‘lsa-da, kanalizatsiya tizimi yo‘q.
Bankrot deb e’lon qilingan korxonaga tegishli bo‘lgan bino-inshootlardan 10 yildan ortiq muddat bo‘sh turgan bo‘lib, 2015-yilda “nol” xarid qiymatda investitsiya kiritish sharti bilan berilgan.
Biroq investitsiya majburiyatlari bajarilmagani sababli 2021-yilda shartnoma bekor qilingan.
Auksionga qo‘yilgan binoning boshlang‘ich bahosi 104,7 mlrd so‘m edi. Bugun, 10-oktabr kuni bo‘lib o‘tgan savdoda majmua 109,9 mlrd so‘mga sotildi.
Auksion g‘olibi sifatida “Bukhara next generation product” xususiy korxonasi ko‘rsatilgan.
Avvalroq Chorvoqdagi dam olish maskani auksionda 34 mlrd so‘mga sotilgani haqida xabar berilgandi.
Izoh (0)