Bugun,

  • USD 11095.31
  • RUB 173.84
  • EUR 10772.44

Jahon banki dunyo 2030-yilga borib o‘ta qashshoqlikni bartaraf eta olmasligini aytdi. Bu haqda “Daryo”ga Jahon banki hisobotidan ma’lum bo‘ldi.

Foto: Bloomberg

Bankning prognozlariga ko‘ra, bu vaqtga kelib dunyo aholisining deyarli 7 foizi nihoyatda qashshoqlikda yashaydi.

Kambag‘allikka qarshi kurashni COVID-19 pandemiyasi, Ukrainadagi urush va oziq-ovqat narxining yuqoriligi sekinlashtirdi.

Jahon banki o‘z hisobotida 2030-yilga borib o‘ta qashshoqlikni 3 foizga kamaytirish maqsadiga hozircha erishib bo‘lmaydi, degan xulosaga keldi.

Pandemiya, Rossiya va Ukrainada o‘rtasidagi urush va oziq-ovqat mahsulotlarining yuqori narxlari tufayli 2030-yilda dunyoda kambag‘allar deyarli 7 foizni (taxminan 574 million kishi) tashkil qiladi.

Hisobotda aytilishicha, pandemiya boshlangan 2020-yilda 70 million odam o‘ta qashshoqlikka tushib qolgan, bu 1990-yilda monitoring boshlanganidan beri eng katta ko‘rsatkichdir.

Tashkilot qashshoqlikni pasaytirish sur’ati davom etmaganda, 2022-yil oxirigacha jami 685 million kishi o‘ta qashshoqlik darajasiga tushib qolishi mumkinligini ta’kidladi.

Foto: Bloomberg

 

Jahon banki, shuningdek, qashshoqlik chegarasi endilikda kuniga 2,15 dollarni tashkil etishini ta’kidladi.

Biz inflyatsiya, valyuta kurslarining qadrsizlanishi va rivojlanish yo‘lida turgan bir-biriga zid bo‘lgan inqirozlar oqibatida haddan tashqari qashshoqlikning o‘sishi va umumiy farovonlikning pasayishidan xavotirdamiz, — dedi Jahon banki prezidenti Devid Malpas Bloomberg agentligiga.

Uning aytishicha, valyuta barqarorligini mustahkamlash, inflyatsiyani pasaytirish va o'rtacha daromad o'sishini tiklash uchun makroiqtisodiy siyosatga tuzatishlar kiritish kerak.

Qashshoqlik va tengsizlikka qarshi kurashish uchun Jahon banki ijtimoiy himoyaga muhtoj va kam ta’minlangan fuqarolarni manzilli qo‘llab-quvvatlashni joriy etishni taklif qildi.

Biroq, subsidiyalardan qochish kerak, chunki ular narxlarni buzadi va istiqbolda salbiy ta’sir ko‘rsatadi, — deydi Jahon banki.

Avvalroq Jahon banki O‘zbekiston iqtisodiyoti 2022-yilda 5,3 foizga o‘sishini prognoz qilgan edi.

Izoh
Asosiy yangiliklar
Mahalliy
“Bizning jamiyatda seni la’natlangan yoki axloqi buzuq odam deb o‘ylashar edi” — vujudida OIV bilan yashayotgan insonlar hikoyalarini jamlagan “Hayot davom etadi”
Maslahatlar
Bir necha daqiqa ichida djinsi kiyimlardan yog‘ dog‘larini tozalashga yordam beradigan usullar
Sport
Boks yulduzi Saul Alvares Messi va Argentina xalqidan uzr so‘radi