Bugun,

  • USD 11095.31
  • RUB 173.84
  • EUR 10772.44

Maktabga borish — bolalar va ota-onalar uchun haqiqiy sinov bo‘lishi mumkin. Farzandingiz maktabga ketayotgan vaqtda uning sumkasiga biror kerakli narsani solishni unutgan paytlaringiz ham bo‘ladi. Bu kabi muammolarning ham o‘z yechimi bor. Adme nashri maktab o‘quvchilarining ota-onalariga o‘quv yili davomida yordam beradigan layfxaklar ro‘yxatini taqdim etdi.

Kiyimlarni sochni tekislovchi dazmol bilan dazmollang

Foto: AdMe

Foto: AdMe

Ertalab farzandingizning maktab formasi g‘ijim bo‘lsa, dazmolni olib, dazmollashga vaqt sarflashning hojati yo‘q. Sochni tekislovchi dazmol yordamida kiyimlarni tezroq tartibga solish mumkin.

Asosiysi, unda kosmetika qoldiqlari yo‘q bo‘lishi kerak, aks holda kiyimda dog‘lar paydo bo‘lishi mumkin. Agar dazmolda haroratni sozlash funksiyasi bo‘lsa, uni tushirish orqali hatto ipakdan tikilgan kiyimlarni ham shu tarzda dazmollash mumkin. Aks holda bu layfxakni faqat mustahkamroq matolar uchun qo‘llagan ma’qul.

Kiyimlarni isitib oling

Ertalab issiq to‘shakdan turishni juda kam inson xohlaydi, shuning uchun ota-onalar kamdan-kam hollarda o‘z farzandlarini o‘rnidan turishga va maktabga tayyorgarlik ko‘rishga ko‘ndira oladi. Bu paytda birinchi navbatda farzandingizning kiyimlarini isitgichga osib qo‘ysangiz, u uchun yanada yoqimli bo‘ladi. Kiyimlarning issiq turishi farzandingizda qulaylik bo‘lishiga yordam beradi.

Foto: AdMe

Foto: AdMe

Nonushtani oldindan tayyorlab muzlatib qo‘ying

Dam olish kunlaridagi bo‘sh vaqtingizni bir necha kun oldin nonushta tayyorlashga bag‘ishlashingiz mumkin. Masalan, ko‘proq maffinlar pishirib, muzlatgichga qo‘ying. Farzandingiz maktabga boradigan kun ularni muzlatgichdan olib qo‘yishingiz kerak va shunday qilsangiz ertalab nonushta tayyorlashga shoshilmaysiz.

Foto: AdMe

Foto: AdMe

Budilnikda bir nechta signallarni o‘rnating

Budilnik nafaqat farzandingizni uyg‘otish va balki uyg‘onishga ham yordam beradi. Uning yordami bilan ertalabki yig‘ilishlarni tashkil qilish va maktabga kechikmaslik mumkin. Farzandingizga nonushta vaqti, tishlarini yuvish, kiyim almashtirish va boshqa ishlarning vaqtini belgilash uchun budilnikda bir nechta signallarni o‘rnatishingiz kerak bo‘ladi. Ota-onalar esa bularning barchasini aytib, vaqtni behuda sarflashlari shart bo‘lmaydi.

Foto: AdMe

Foto: AdMe

Farzandingiz uchun eslatuvchi-bilaguzuk yasang

Farzandingiz maktabda qilishi kerak bo‘lgan muhim ishlarni unutmasligi uchun unga o‘zingiz yasagan eslatuvchi-bilaguzukni berishingiz mumkin. Buning uchun qog‘ozni uzun chiziqlar shaklida kesib oling, ustiga eslatmani yozing va uni bilaguzuk kabi farzandingizning qo‘liga o‘rang, yelim bilan mahkamlang. Shu tarzda farzandingiz muhim ishlarni unutmasligi mumkin.

Foto: AdMe

Foto: AdMe

Maktabda ishlatiladigan o‘quv qurollarini konteynerga joylashtiring

Maktab uchun zarur bo‘lgan barcha o‘quv qurollarini alohida konteynerlar yoki savatlarga joylashtirish mumkin. Masalan, ish yuritish materiallari, sport formalari uchun konteynerlarni tanlang, kiyimlarni turlarga ajrating. Agar farzandingiz muhim narsani unutganini eslasa, u kerakli narsani tezda topa oladi.

Foto: AdMe

Foto: AdMe

Portfeldagi yoqimsiz hidlarni ketkazing

Bolalarning maktab sumkalarida yoqimsiz hid paydo bo‘lishi odatiy hol emas. Sumkani yuvish orqali undagi noxush hidlardan butunlay xalos bo‘lish mumkin. Sumkadan yoqimli hid kelishini istasangiz unga xushbo‘y hidga ega spreylarni seping.

Buning uchun bir choy qoshiq suv va 3-4 tomchi efir moyini aralashtiring. Ushbu aralashmaga bo‘r bo‘lagini botirib, suyuqlik holatiga kelguncha kuting. Keyin uni matoga o‘rang va sumkaga soling. Bo‘rni har hafta o‘zgartirish mumkin.

Foto: AdMe

Foto: AdMe

Bolaning portfeliga qog‘oz papka qo‘ying

Farzandingizning portfeliga qog‘ozlar uchun plastik papka qo‘yish kerak. Unda, masalan, u o‘qituvchidan eslatmalarni olib kelish yoki imzolanishi kerak bo‘lgan hujjatlarni ota-onalarga yetkazishi mumkin. Shunday qilib, ular g‘ijim bo‘lib qolmaydi va portfelning pastki qismida yo‘qolmaydi.

Foto: AdMe

Foto: AdMe

Sochni tarash

Nafaqat bog‘chaga boruvchi qizaloqlar, balki ba’zi maktab o‘quvchilari ham ertalab sochlarini tarashni yomon ko‘radi. Buning sababi, jarayon davomida boshda og‘riq bo‘lishi mumkin. Bir nechta sirlarni bilsangiz, farzandingiz darsga borishidan oldin uning sochini tartibga solish osonroq bo‘ladi.

Masalan, ingichka sochli qizlar ham yotishdan oldin sochini tarashi va kechasi uni o‘rab qo‘ygan bo‘lishi kerak. Qalin sochli qizlar uchun esa dumaloq taroqlar mos kelmaydi, ular uchun tishli taroqni tanlagan ma’qul.

Foto: AdMe

Foto: AdMe

Bir xil rangdagi mos keladigan paypoqlarni sotib oling

Ertalabki tayyorgarlikni tezlashtirishning yana bir usuli — farzandingiz uchun har doim bir xil rangli paypoqlarni sotib olishdir. Bu holatda paypoqlarning mos juftini izlashga vaqt sarflashingiz shart bo‘lmaydi. Agar bir vaqtning o‘zida bir nechta farzandlaringiz maktabga borsa, har biriga alohida boshqa rangni tanlashingiz mumkin.

Foto: AdMe

Foto: AdMe

Farzandingizga kiyimini nonushtadan va tishlarini yuvgandan keyin almashtirishni o‘rgating

Farzandingiz nonushta qilmaguncha va tishlarini yuvmaguncha maktab formasini kiyishiga yo‘l qo‘ymang. Masalan, u sutni to‘kib qo‘yishi yoki kiyimini tish pastasi bilan ifloslashi mumkin. Ertalab shovqin-suronda kiyim almashtirish uchun hech kim vaqtni behuda sarflashni xohlamaydi.

Foto: AdMe

Foto: AdMe

Kirish old eshigi oldida nam salfetkalarni saqlang

Kiyimlarda dog‘lar yuzaga kelishini istamasangiz, kirish eshigi oldida nam salfetkalar to‘plamini saqlash kerak. Ular farzandingizning yuzini tezda artib tashlashi yoki maktab uchun kiyadigan poyabzalidan kirni tozalashi uchun foydali.

Foto: AdMe

Foto: AdMe

Mavzuga doir:

Izoh
Asosiy yangiliklar
Mahalliy
Qashqadaryoda 3 kunlik firma 2,6 mlrd so‘mlik issiqxona o‘rnatish tenderini yutib oldi
Dunyo
Lukashenko Belarus tashqi ishlar vaziri Makey bilan vidolashuv marosimida ishtirok etdi (foto)
Mahalliy
Nukus voqealarida ayblanayotganlar sudi davom etmoqda: asosiy gumonlanuvchilardan biri ikkinchisini firibgar deb atadi