Sovg‘a tanlash har doim qiyin. Qarindosh va yaqin do‘stlar uchun ham ba’zan narsalar uzoq vaqt qidiriladi. Bu borada ayniqsa, o‘qituvchilarga eng neytral sovg‘alar taqdim etiladi, balki tanlangan sovg‘a original ko‘rinishi mumkin. Lekin bu o‘qituvchilarni xafa qiladi. AdMe nashri ko‘proq ustozlarning xursandchiligiga emas, balki ajablanishiga sabab bo‘ladigan noodatiy sovg‘alar haqda so‘z yuritdi.
Yegulik
Mevali kompozitsiyalar ko‘plab o‘qituvchilar uchun faqat hayratga sabab bo‘ladigan sovg‘adir. Go‘yoki o‘quvchilarning ota-onasi ularni ovqatlantirishga harakat qilayotgandek tuyiladi. Shuningdek, ularga shirinlik sovg‘a qilinsa ham yoqmaydi. Birinchidan, bunday sovg‘a juda ko‘p beriladi. O‘qituvchilar esa shunchaki ko‘p shirinlik iste’mol qilmasligi mumkin, chunki bu sog‘liq uchun ham zararli. Ikkinchidan, bayramlar arafasida muddati o‘tib ketgan shirinliklar ham do‘konlarda sotilishini hamma yaxshi biladi.
Kundaliklar
Turli bayramlarda o‘qituvchilarga eng ko‘p beriladigan yana bir sovg‘a. Kundaliklarni to‘plashdan foyda yo‘q. Odatda odam uzoq vaqt davomida bitta kundalikdan foydalanadi. Qolganlari shunchaki chang to‘playdi. Shuni yodda tutish kerakki, hamma ham kundaliklardan foydalanmaydi, ayniqsa hozir, kompyuter va smartfonlar asrida. Nihoyat bunday sovg‘a oddiy ko‘rinishi va hatto bu o‘qituvchini xafa qilishi mumkin. Ma’lum bo‘lishicha, o‘quvchilar va ularning ota-onalari o‘qituvchini faqat bitta rolda ko‘radi va ularning fikriga ko‘ra, uning hayotda maktab ishlaridan boshqa ishi yo‘q.
Choy va qahva
Aksariyat hollarda bu sovg‘a ham o‘qituvchilarga yoqmasligi aniq. Ba’zi o‘qituvchilarning aytishicha, choy va qahva oddiy, shunchaki berilgan sovg‘alardir. O‘qituvchilarga bunday narsalar taqdim etilganda, sovg‘a egasi ustozini yaqindan bilish uchun harakat ham qilmagani aniqlashadi. Qolaversa, har qanday lazzatli choy odamga yoqmasligi, hamma ham qahva ichmasligi mumkin.
Haykalchalar
Haykalchalar, albatta, uyni bezatishi mumkin. Lekin agar ular sifatsiz va yoqimsiz dizaynga ega bo‘lsa-chi? O‘qituvchi bunday narsalarni ko‘zga tashlanadigan joyga chiroyli mebel yoki esda qolarli suvenir sifatida qo‘ymaydi. Aksincha, uni shunchaki shkafga yashiradi. Sovg‘a, albatta, unga sevimli shogirdlarini eslatadi, lekin u bilan uyni bezatishni xohlamaydi.
Kosmetika
Kosmetika o‘qituvchiga berish uchun juda nozik sovg‘adir. Misol uchun, qarishga qarshi krem — ranjitish uchun jiddiy sabab. Dekorativ kosmetika bilan ham xato qilish oson: lab bo‘yog‘ining markasi yoki rangi o‘qituvchiga mos kelmasligi mumkin. Bundan tashqari, o‘qituvchilarga tez-tez qo‘l kremlari beriladi. Bu juda neytral sovg‘a. Ammo ko‘pchilik bunday g‘oyaga murojaat qilganligi sababli, o‘qituvchilarda bunday sovg‘alardan bir qanchasi to‘planib qoladi va ularning barchasidan foydalanishga vaqti yetmaydi.
Gigiyena vositalari
Har qanday gigiena vositalari, xoh u gel, shampun yoki undan ham ko‘proq dezodorantlar, ona yoki opa-singil kabi juda yaqin odamlarga berilishi mumkin. O‘qituvchiga bunday narsalarni taqdim etish esa odobsizlikka yo‘yiladi. Bundan tashqari, qarishga qarshi kremda bo‘lgani kabi, ular bunday sovg‘adan xafa bo‘lishi mumkin: go‘yo o‘qituvchiga ko‘proq gigiyenaga e’tibor qaratishga ishora qilinayotgandek.
Idishlar to‘plami
O‘rta va keksa yoshdagi o‘qituvchilarning so‘zlariga ko‘ra, ishlagan yillar davomida ular sovg‘a sifatida shunchalik ko‘p idishlar to‘plamini olishganki, ularni qo‘yish uchun hatto joy topilmaydi. Turli xil to‘plamlardagi stakan va likopchalar o‘qituvchilarni unchalik ham xursand qilmaydi. Yosh o‘qituvchilar ham bunday sovg‘adan mamnun emas. Qoidaga ko‘ra, chinni idishlar odatda eski modelda bo‘lgani uchun ham foydalanishmaydi.
Zargarlik buyumlari
Juda qimmat sovg‘alar o‘qituvchini noqulay ahvolga solib qo‘yishi mumkin. Bundan so‘ng o‘qituvchi endilikda ota-ona va o‘quvchilar oldida qarzdor ekanini his qiladi. Bundan tashqari, zargarlik buyumlarini tanlash ham didga bog‘liq.
Atir
O‘qituvchiga atir berish ham yaxshi fikr emas. Birinchidan, insonning didini taxmin qilib bo‘lmaydi, agar u, albatta, eng yaxshi do‘st yoki yaqin qarindosh bo‘lmasa. Ikkinchidan, hamma odamlar atirdan foydalanmaydi, ba’zilarda esa unga allergiya bo‘lishi mumkin. Uchinchidan, o‘qituvchining bunday sovg‘ani noto‘g‘ri tushunish xavfi bor: atir o‘qituvchidagi hidga ishora qilinganga o‘xshaydi.
Yumshoq o‘yinchoqlar
O‘yinchoq yoqimli sovg‘a bo‘lishi mumkin, faqat bola yoki sevib qolgan juftliklar uchun. Biroq katta yoshli ayol yoki erkakka bunday sovg‘a berish unchalik ham to‘g‘ri emas. Bunday sovg‘a o‘qituvchiga foyda keltirmaydi. Eng yaxshi holatda, agar bolalari kichik bo‘lsa, ularga beradi.
Garderob buyumlari
Bu kabi sovg‘larni yaqin insonlarga berish mumkin. O‘qituvchi uchun esa bunday sovg‘a tanlashda rang, uslub va o‘lcham borasida xato qilishingiz shubhasiz. Xuddi shu narsa poyabzal uchun ham amal qiladi.
O‘qituvchilarga qanday sovg‘alar yoqadi?
Odamlar ularni yaxshiroq bilib, sevimli mashg‘ulotlariga tegishli narsalarni berishga harakat qilsa, bu ular uchun chinakam xursandchilikdir.
Masalan, ularga texnik qurilmalarni taqdim etish mumkin: fleshka, disk, paurbenk va boshqalar. Axir buguni kunda o‘qituvchilar ham noutbuk va telefonda ko‘p vaqt sarflaydi.
Shuningdek, do‘konlarga sertifikatlar, madaniy tadbirlarga chiptalar, onlayn xizmatlarga obuna bo‘lish ham mazkur kasb egalariga yoqadi. Qolaversa, o‘qituvchi uchun eng yaxshi sovg‘a o‘quvchining ijodiy ishlari bo‘lishi mumkin, masalan, video tayyorlash, qo‘shiq kuylash yoki she’r yozish kabi.
Izoh (0)