Мактабга бориш — болалар ва ота-оналар учун ҳақиқий синов бўлиши мумкин. Фарзандингиз мактабга кетаётган вақтда унинг сумкасига бирор керакли нарсани солишни унутган пайтларингиз ҳам бўлади. Бу каби муаммоларнинг ҳам ўз ечими бор. Адме нашри мактаб ўқувчиларининг ота-оналарига ўқув йили давомида ёрдам берадиган лайфхаклар рўйхатини тақдим этди.
Кийимларни сочни текисловчи дазмол билан дазмолланг
Эрталаб фарзандингизнинг мактаб формаси ғижим бўлса, дазмолни олиб, дазмоллашга вақт сарфлашнинг ҳожати йўқ. Сочни текисловчи дазмол ёрдамида кийимларни тезроқ тартибга солиш мумкин.
Асосийси, унда косметика қолдиқлари йўқ бўлиши керак, акс ҳолда кийимда доғлар пайдо бўлиши мумкин. Агар дазмолда ҳароратни созлаш функцияси бўлса, уни тушириш орқали ҳатто ипакдан тикилган кийимларни ҳам шу тарзда дазмоллаш мумкин. Акс ҳолда бу лайфхакни фақат мустаҳкамроқ матолар учун қўллаган маъқул.
Кийимларни иситиб олинг
Эрталаб иссиқ тўшакдан туришни жуда кам инсон хоҳлайди, шунинг учун ота-оналар камдан-кам ҳолларда ўз фарзандларини ўрнидан туришга ва мактабга тайёргарлик кўришга кўндира олади. Бу пайтда биринчи навбатда фарзандингизнинг кийимларини иситгичга осиб қўйсангиз, у учун янада ёқимли бўлади. Кийимларнинг иссиқ туриши фарзандингизда қулайлик бўлишига ёрдам беради.
Нонуштани олдиндан тайёрлаб музлатиб қўйинг
Дам олиш кунларидаги бўш вақтингизни бир неча кун олдин нонушта тайёрлашга бағишлашингиз мумкин. Масалан, кўпроқ маффинлар пишириб, музлатгичга қўйинг. Фарзандингиз мактабга борадиган кун уларни музлатгичдан олиб қўйишингиз керак ва шундай қилсангиз эрталаб нонушта тайёрлашга шошилмайсиз.
Будилникда бир нечта сигналларни ўрнатинг
Будилник нафақат фарзандингизни уйғотиш ва балки уйғонишга ҳам ёрдам беради. Унинг ёрдами билан эрталабки йиғилишларни ташкил қилиш ва мактабга кечикмаслик мумкин. Фарзандингизга нонушта вақти, тишларини ювиш, кийим алмаштириш ва бошқа ишларнинг вақтини белгилаш учун будилникда бир нечта сигналларни ўрнатишингиз керак бўлади. Ота-оналар эса буларнинг барчасини айтиб, вақтни беҳуда сарфлашлари шарт бўлмайди.
Фарзандингиз учун эслатувчи-билагузук ясанг
Фарзандингиз мактабда қилиши керак бўлган муҳим ишларни унутмаслиги учун унга ўзингиз ясаган эслатувчи-билагузукни беришингиз мумкин. Бунинг учун қоғозни узун чизиқлар шаклида кесиб олинг, устига эслатмани ёзинг ва уни билагузук каби фарзандингизнинг қўлига ўранг, елим билан маҳкамланг. Шу тарзда фарзандингиз муҳим ишларни унутмаслиги мумкин.
Мактабда ишлатиладиган ўқув қуролларини контейнерга жойлаштиринг
Мактаб учун зарур бўлган барча ўқув қуролларини алоҳида контейнерлар ёки саватларга жойлаштириш мумкин. Масалан, иш юритиш материаллари, спорт формалари учун контейнерларни танланг, кийимларни турларга ажратинг. Агар фарзандингиз муҳим нарсани унутганини эсласа, у керакли нарсани тезда топа олади.
Портфелдаги ёқимсиз ҳидларни кетказинг
Болаларнинг мактаб сумкаларида ёқимсиз ҳид пайдо бўлиши одатий ҳол эмас. Сумкани ювиш орқали ундаги нохуш ҳидлардан бутунлай халос бўлиш мумкин. Сумкадан ёқимли ҳид келишини истасангиз унга хушбўй ҳидга эга спрейларни сепинг.
Бунинг учун бир чой қошиқ сув ва 3-4 томчи эфир мойини аралаштиринг. Ушбу аралашмага бўр бўлагини ботириб, суюқлик ҳолатига келгунча кутинг. Кейин уни матога ўранг ва сумкага солинг. Бўрни ҳар ҳафта ўзгартириш мумкин.
Боланинг портфелига қоғоз папка қўйинг
Фарзандингизнинг портфелига қоғозлар учун пластик папка қўйиш керак. Унда, масалан, у ўқитувчидан эслатмаларни олиб келиш ёки имзоланиши керак бўлган ҳужжатларни ота-оналарга етказиши мумкин. Шундай қилиб, улар ғижим бўлиб қолмайди ва портфелнинг пастки қисмида йўқолмайди.
Сочни тараш
Нафақат боғчага борувчи қизалоқлар, балки баъзи мактаб ўқувчилари ҳам эрталаб сочларини тарашни ёмон кўради. Бунинг сабаби, жараён давомида бошда оғриқ бўлиши мумкин. Бир нечта сирларни билсангиз, фарзандингиз дарсга боришидан олдин унинг сочини тартибга солиш осонроқ бўлади.
Масалан, ингичка сочли қизлар ҳам ётишдан олдин сочини тараши ва кечаси уни ўраб қўйган бўлиши керак. Қалин сочли қизлар учун эса думалоқ тароқлар мос келмайди, улар учун тишли тароқни танлаган маъқул.
Бир хил рангдаги мос келадиган пайпоқларни сотиб олинг
Эрталабки тайёргарликни тезлаштиришнинг яна бир усули — фарзандингиз учун ҳар доим бир хил рангли пайпоқларни сотиб олишдир. Бу ҳолатда пайпоқларнинг мос жуфтини излашга вақт сарфлашингиз шарт бўлмайди. Агар бир вақтнинг ўзида бир нечта фарзандларингиз мактабга борса, ҳар бирига алоҳида бошқа рангни танлашингиз мумкин.
Фарзандингизга кийимини нонуштадан ва тишларини ювгандан кейин алмаштиришни ўргатинг
Фарзандингиз нонушта қилмагунча ва тишларини ювмагунча мактаб формасини кийишига йўл қўйманг. Масалан, у сутни тўкиб қўйиши ёки кийимини тиш пастаси билан ифлослаши мумкин. Эрталаб шовқин-суронда кийим алмаштириш учун ҳеч ким вақтни беҳуда сарфлашни хоҳламайди.
Кириш олд эшиги олдида нам салфеткаларни сақланг
Кийимларда доғлар юзага келишини истамасангиз, кириш эшиги олдида нам салфеткалар тўпламини сақлаш керак. Улар фарзандингизнинг юзини тезда артиб ташлаши ёки мактаб учун киядиган пойабзалидан кирни тозалаши учун фойдали.
Мавзуга доир:
Изоҳ (0)