AQSH Kongressi Ukrainaga 12 mlrd dollarlik yangi yordam paketini ajratishga kelishib oldi

AQSH Kongressi a’zolari Ukrainaga qo‘shimcha yordam paketi ajratish bo‘yicha dastlabki kelishuvga erishdi. Bu 12 milliard dollarni tashkil etadi, deb xabar beradi Reuters. 

Unga ko‘ra, qonun loyihasi 1-oktabrgacha ko‘rib chiqiladi. AQSH prezidenti Jo Bayden 3-sentabr kuni Kongressdan Ukraina uchun yangi yordam paketini so‘radi. 

Mablag‘lar 2023-moliyaviy yilning birinchi choragida taqdim etilishi rejalashtirilgan. 

Oq uy ma’lumotlariga ko‘ra, bu mablag‘lar yangi qurollarga, shuningdek, Ukraina iqtisodiyotini qo‘llab-quvvatlashga yo‘naltiriladi.

Avvalroq Pentagon Ukraina uchun 2,2 million dollarlik kamikadze dronlarni sotib olishi haqida xabar berilgan edi. 

AQSH hukumati 24-fevraldan beri Ukrainaga taxminan 18 milliard dollar ajratdi.