Bugun,

  • USD 11095.31
  • RUB 173.84
  • EUR 10772.44

Qo‘shma Shtatlar Rossiyaning yadro qurolidan foydalanish ehtimoliga javob berishga va’da berdi. Bu haqida AQSH prezidentining Milliy xavfsizlik bo‘yicha maslahatchisi Jek Sallivan CBS telekanaliga bergan intervyusida aytib o‘tdi, deya xabar beradi “Lenta.ru”.

Foto: “Lenta.ru”

Foto: “Lenta.ru”

Siyosatchining qayd etishicha, Oq uy Rossiyani ushbu turdagi quroldan foydalanish halokatli oqibatlari haqida ogohlantirgan.

“Biz Kremlga to‘g‘ridan to‘g‘ri, xususiy ravishda, juda yuqori darajada, yadro qurolidan har qanday foydalanish Rossiya uchun halokatli bo‘lishini, Qo‘shma Shtatlar va ittifoqchilarimiz keskin javob berishini aytdik. Biz bu nimaga olib kelishini aniq va ravshan ta’kidlaganmiz”, — dedi Sallivan.

Bundan tashqari, milliy xavfsizlik maslahatchisi Qo‘shma Shtatlar “ukrainaliklarni o‘z mamlakati va uning demokratiyasini himoya qilish harakatlarida qo’llab-quvvatlashi”ni tushuntirdi.

Sentabr oyi boshida Rossiya tashqi ishlar vaziri Sergey Lavrov BMT Bosh assambleyasining 77-sessiyasidagi nutqi doirasida Rossiya tomonidan yadro qurolidan foydalanish imkoniyatini baholagan edi. Uning ta’kidlashicha, yadro xavfsizligi doktrinasi mavjud bo'lib, unda “qo'llash holati mutlaqo aniq ko‘rsatilgan”.

Lavrov, shuningdek, Ukraina prezidenti Vladimir Zelenskiyning Rossiya maxsus operatsiya vaqtida ommaviy qirg‘in qiluvchi yadroviy quroldan foydalanishga tayyorligi haqidagi so‘zlarini ham rad etdi. Vazirning ta‘kidlashicha, hozirgi bosqichda Moskva faqat oddiy qurollardan foydalanish imkoniyatini ko‘rib chiqmoqda.

Bundan tashqari, bu imkoniyatni Rossiya prezidentining matbuot kotibi Dmitriy Peskov ham rad etdi.

Izoh
Asosiy yangiliklar
Mahalliy
“Bizning jamiyatda seni la’natlangan yoki axloqi buzuq odam deb o‘ylashar edi” — vujudida OIV bilan yashayotgan insonlar hikoyalarini jamlagan “Hayot davom etadi”
Maslahatlar
Bir necha daqiqa ichida djinsi kiyimlardan yog‘ dog‘larini tozalashga yordam beradigan usullar
Mahalliy
Surxondaryoda “Jiguli” qo‘ylar podasini urib yubordi