Keyingi yillarda millionerlar soni keskin oshishi kutilmoqda
Kelgusi besh yil ichida butun dunyo bo‘ylab millionerlar soni 40 foizga o‘sadi. Bu haqda Bloomberg xabar berdi.
Global Wealth Report 2022 hisobotiga ko‘ra, 2026-yilga kelib, kamida 1 million dollar boylikka ega bo‘lgan 87,5 milliondan ortiq odam bo‘ladi. Bu 2021-yilda bu ko‘rsatkich 62,5 millionga teng bo‘lgan.
Prognozlar shuni ko‘rsatadiki, rivojlanayotgan mamlakatlarda bu raqam tezroq o‘sadi. Xitoyda millionerlarning umumiy soni deyarli ikki baravar oshadi.
Dunyodagi eng boy 500 kishi yilning birinchi yarmida jami boyligidan 1,4 trillion dollar yo‘qotgan bo‘lsa-da, Credit Suisse, ayniqsa, rivojlanayotgan bozorlar uchun tez tiklanishni ko‘rmoqda.
Inflyatsiya va Rossiya—Ukraina urushidagi muvaffaqiyatsizliklarga qaramay, biz umumiy global boylik o‘sishda davom etishiga ishonamiz, — deyiladi hisobotda.
Credit Suisse prognozlariga ko‘ra, 2026-yilga borib odamlarning shaxsiy boyligi 36 foizga oshib, 169 trillion dollarni tashkil etadi.
Katta yoshli kishilarning boyligi dunyo bo‘ylab 28 foizga oshadi va 2024-yilda 100 ming dollarga yetadi. 50 million dollardan ortiq boyligi mavjud shaxslar soni ortib, 385 ming bo‘ladi.
Rivojlanayotgan bozorlar Covid-19 pandemiyasi paytida qattiq zarba oldi va boylik o‘sishi sekinlashdi. Ammo ular o‘tgan yili jadallikni tikladi. Rivojlanayotgan mamlakatlarda boylik har yili 10 foizga oshadi, yuqori daromadli mamlakatlarda bu ko‘rsatkich 4,2 foizga teng.
2021-yilda jahon boyligi 2020-yilga nisbatan 9,8 foizga oshib, 463,6 trillion dollarni tashkil etdi, bu asr boshidan beri eng katta o‘sishlardan biri.
AQSHda eng yuqori daromadli shaxslar — 140 mingdan ortiq, Xitoyda esa 32,7 ming kishi.
Boy davlatlar va nisbatan boylik darajasi past davlatlar o‘rtasidagi farq qisqardi, xususan, past va o‘rta daromadli mamlakatlar tezroq o‘smoqda, — dedi Credit Suisse iqtisodchisi va hisobot muallifi Entoni Shorroks.
Avvalroq hindistonlik milliarder Jeff Bezosni ortda qoldirib, dunyodagi ikkinchi eng boy odamga aylangani haqida xabar berilgandi.
