Bugun,

  • USD 11095.31
  • RUB 173.84
  • EUR 10772.44

Osiyo taraqqiyot banki (OTB) 2022—2023-yillarda rivojlanayotgan Osiyo mamlakatlari uchun iqtisodiy o‘sish prognozini pasaytirdi. Bunga sabab qilib ortib borayotgan global xavflar ko‘rsatilgan. Bu haqda “Interfaks” xabar bermoqda.

Foto: Chris McGrath/Getty Images

Foto: Chris McGrath/Getty Images

Endilikda YIM 2022-yil aprel oyida kutilayotgan 5,2 foizga nisbatan 4,3 foizga, 2023-yilda esa avvalgi 5,3 foizga nisbatan 4,9 foizga tushishi kutilmoqda.

OTB rivojlanayotgan Osiyo va Tinch okeani mintaqasidagi davlatlarning iqtisodiy o‘sish prognozini yana bir bor pasaytirdi.

Bunga esa markaziy banklar tomonidan pul-kredit siyosatining keskinlashuvi, Ukrainadagi uzoq davom etgan urushning oqibatlari va Xitoydagi takroriy COVID-19 lokdaunlari sabab bo‘lgan.

Mahalliy iste’mol xarajatlari va investitsiyalar o‘sishni rag‘batlantirmoqda, chunki mintaqa mamlakatlari COVID-19 pandemiyasi tufayli kiritilgan cheklovlarni yengillashtirdi.

Biroq Ukrainada davom etayotgan urush global noaniqlikni kuchaytirdi, ta’minotda uzilishlarni keltirib chiqardi, energiya va oziq-ovqat bozorlarida beqarorlikka sabab bo‘ldi.

OTB tahlilchilarining fikricha, Federal zaxira tizimi va Yevropa Markaziy banki tomonidan pul-kredit siyosati yanada keskinlashayotgani global talabni pasaytirib, moliyaviy bozorlarga salbiy ta’sir o‘tkazmoqda.

Shuningdek, vaqti-vaqti bilan COVID-19 tarqalishi va yangi cheklovlar mintaqadagi eng yirik iqtisodiyot bo‘lgan Xitoyda o‘sishni sekinlashtirdi.

 

Xitoyning bu yilgi yalpi ichki mahsulotning o‘sishi aprel oyidagi 5 foizlik prognozdan 3,3 foizga tushirildi. O‘ttiz yildan ortiq vaqt ichida birinchi marta rivojlanayotgan Osiyo davlatlari Xitoy iqtisodiyotiga qaraganda tezroq o‘sadi.

OTB joriy yilda rivojlanayotgan Osiyodagi inflyatsiyani oldin taxmin qilingan 3,7 foizdan 4,5 foizga oshirdi. Kelgusi yil uchun prognoz 3,1 foizdan 4 foizgacha ko‘tarildi.

Mintaqadagi inflyatsiya dunyoning boshqa qismlariga qaraganda pastligicha qolayotgan bo‘lsa-da, ta’minotdagi uzilishlar oziq-ovqat va yoqilg‘i narxini oshirishda davom etmoqda.

Izoh
Asosiy yangiliklar
Mahalliy
AOKA “Human.uz” jurnalistlari bilan bog‘liq holat yuzasidan munosabat bildirdi 
Mahalliy
O‘zbekistonda chiqindi gazidan elektr ishlab chiqarish yo‘lga qo‘yiladi 
Dunyo
Putin yo‘qotishlarga qaramay, bahorda Ukrainaga qarshi yangi hujumni rejalashtirmoqda — Bloomberg