The Economist nashri Yevropadagi yashash uchun eng qulay va noqulay shaharlarni ma’lum qildi.
Yirik shaharlar besh toifa bo‘yicha taqqoslab chiqildi:
- madaniyat va atrof-muhit;
- ta’lim;
- sog‘liqni saqlash;
- infratuzilma;
- barqarorlik.
Reytingda birinchi o‘rinni Avstriya poytaxti Vena egalladi — 99,1 ball. Bu shahar uchun besh yil ichida uchinchi marta ro‘y berdi.
Ikkinchi o‘rinda Kopengagen (98 ball) qayd etilgan bo‘lsa, Zurix shahri (96,3 ball) uchinchi o‘rinni egalladi.
Reytingga kiritilgan Turkiyaning yagona shahri bo‘lgan Istanbul Yevropada eng past ballga ega bo‘ldi — 57,7 ball.
Mamlakat prezidenti Rajab Toyyib Erdo‘g‘on davrida tobora kuchayib borayotgan avtoritar rahbarlik, shuningdek, keskin inflyatsiya hayot sifatini pasaytirdi.
Istanbuldan avvalgi o‘rinni Yevropadagi eng korrupsiyalashgan mamlakatlardan biri deya hisoblanuvchi Ozarbayjon poytaxti Boku egalladi — 58,3 ball.
Avvalroq Osiyodagi yashash uchun eng qulay shaharlar reytingi e’lon qilingan edi.
Izoh (0)