Yelizaveta II dafn marosimi bo‘ladigan kuni London fond birjasi ishlamasligi ma'lum bo‘ldi
London fond birjasi 19-sentabr, qirolicha Yelizaveta II dafn marosimi bo‘ladigan kuni ishlamaydi. Bu haqda birja rasmiy sayti xabar bermoqda.
Bu kun Buyuk Britaniyada dam olish kuni deb e’lon qilingan.
London metall birjasi hozircha rasmiy bayonotlar bermadi, biroq Bloomberg manbalari sayt 19-sentabr kuni savdo qilishni rejalashtirayotgani haqida xabar berdi.
Manbalarga ko‘ra, bu pozitsiya brokerlar va mijozlarning noroziligiga sabab bo‘ladi — ba’zilar dafn kuni savdolarni ochish hurmatsizlik, deb hisoblamoqda.
19-sentabr kuni Londonda Yelizaveta II ning dafn marosimida dunyoning turli davlatlaridan 500 ga yaqin yuqori martabali mehmonlar ishtirok etishi kutilmoqda.
Shu munosabat bilan Buyuk Britaniya diplomatik aloqalarni o‘rnatgan aksariyat davlat rahbarlariga taklifnomalar yubordi. AQSH, Kanada, Avstraliya, Yangi Zelandiya va boshqa ko‘plab davlatlar rahbarlari marosimda ishtirok etishlarini tasdiqladi.
OAV Yelizaveta II bilan bo‘lib o‘tadigan vidolashuv marosimini so‘nggi o‘n yillikdagi eng yirik diplomatik yig‘in deb atamoqda.
Avvalroq London fond birjasi qirolicha Yelizaveta II vafotidan so‘ng savdolarni to‘xtatgan edi. Keyinchalik 9-sentabr birja yana qayta ochilgan va savdolar davom etgan.
