“Chelsi”—“Liverpul” va “Manchester Yunayted”—“Lids” bahslari qoldirildi. APLda 8-turning qolgan uchrashuvlari o‘z vaqtida bo‘lib o‘tadi
Futbol bo‘yicha Angliya chempionatining 8-tur o‘yinlari vaqti ko‘chirilmaydigan bo‘ldi.
Buyuk Britaniya qirolichasi vafoti sabab chempionatning 7-tur bahslari boshqa sanaga ko‘chirilgan edi. Keyinchalik 8-tur o‘yinlari ham stadionlarda xavfsizlikni ta’minlay olmaslik xavotirlari tufayli qoldirilishi mumkinligi xabar qilingandi.
Biroq Angliya Premyer Ligasi rasmiy sayti 8-turning uchta o‘yindan tashqari barcha uchrashuvlar belgilangan vaqt bo‘lib o‘tishini ma’lum qildi.
18-sentabr, yakshanba kuni bo‘lib o‘tishi kerak bo‘lgan “Chelsi”—“Liverpul” va “Manchester Yunayted”—“Lids” o‘rtasidagi bahs dafn marosimi sabab boshqa sanaga ko‘chiriladi.
Shuningdek, “Brayton” va “Kristal Pelas” o‘rtasidagi o‘yin ham qoldiriladi. Ushbu uchrashuv qoldirilishiga temiryo‘lchilarning rejalashtirgan ish tashlashi sabab bo‘lgan.
APL 8-tur o‘yinlari
16-sentabr, juma“Aston Villa”—“Sauthempton”
“Nottingem Forest”—“Fulhem”
17-sentabr, shanba
“Vulverhempton”—“Manchester Siti”
“Nyukasl”—“Bornmut”
“Tottenhem”—“Lester”
18-sentabr, yakshanba
“Brentford”—“Arsenal”
“Everton”—“Vest Hem”
