Bugun,

  • USD 11095.31
  • RUB 173.84
  • EUR 10772.44

Jo‘qorg‘i Kenges raisi Amanbay O‘rinbayev ichimlik suviga mas’ullarni oxirgi marta ogohlantirdi, deya xabar berdi “Daryo” muxbiri.

Ma’lum bo‘lishicha, Qoraqalpog‘iston Respublikasi Jo‘qorg‘i Kengesi raisi Amanbay O‘rinbayev 4-sentabr kuni Nukus shahri va hududlardagi aholining toza ichimlik suvi bilan ta’minlanganlik holati bilan tanishgan.

Qoraqalpog‘istonning yangi rahbari Nukus shahrida aholining toza ichimlik suvi bilan ta’minlanish holatini keskin tandiq qilgan. Amanbay O‘rinbayev bu yo‘nalishdagi ishlarni yana rivojlantirish uchun Qoraqalpog‘iston Respublikasi prokurori Erkaboy Tojiyevga nazoratni tashkil qilish bo‘yicha topshiriq bergan.

Jo‘qorg‘i Kenges raisi Amanbay O‘rinbayev hududlarda suv inshootlarining qurilishini ko‘zdan kechirish jarayonida “Chimboydagi bir mahallaning muammosiga ikki yil bo‘lgan. Aniqlik kiriting, Erkaboy Aminovich. 20 kun bo‘ldi uning boshlaganiga. Bundan ortiq ogohlantirish bo‘lmaydi. Toza ichimlik suvi odamlarning kayfiyatiga ta’sir qiladi. Yaxshiyam Erkaboy Aminovich, Siz ko‘tardingiz bu masalani. Bo‘lmasa hammamizning oyog‘imiz yerdan uzilgan edi. Nazoratga olmasang ko‘rdingmi ahvolni?! Shuning uchun qurilish sohasini prokurorga topshirganman” — deya ta’kidlagan u.

Avvalroq, Shavkat Mirziyoyev raisligidagi Jo‘qorg‘i Kengesning navbatdan tashqari 34-sessiyasida Jo‘qorg‘i Kenges raisi Murat Kamalovning betobligi sababli vakolat muddatini oldindan to‘xtatish va egallab turgan lavozimidan ozod etish haqidagi murojaati ko‘rib chiqilgani hamda lavozimidan ozod etish to‘g‘risida qaror qabul qilingani, o‘rniga Amanbay Orinbayev Qoraqalpog‘iston Respublikasi Jo‘qorg‘i Kengesi raisi lavozimiga tasdiqlani xabar berilgandi. 

Izoh
Asosiy yangiliklar
Dunyo
Britaniya hukumati “Vagner”ni terrorchi tashkilot deb e’lon qilmoqchi — The Telegraph
Dunyo
AQSHda xavfli moddalarni olib ketayotgan yuk poyezdi relsdan chiqib ketdi (video)
Mahalliy
O‘zbekistonda kelayotgan hafta boshida qanday ob-havo bo‘ladi?