Yevropa Chempionlar Ligasining 2022/23-yilgi mavsumida qur’a tashlandi.
C guruhida “Barselona” va “Bavariya” jamoalari birga tushib qoldi. Ular qatorasiga uch mavsumdan beri bir-biriga duch kelmoqda.
2020-yilda jamoalar chorak finalda o‘zaro to‘qnash kelgan. Bitta o‘yindan iborat bo‘lgan uchrashuvda myunxenliklar 8:2 hisobida g‘alaba qozongandi.
2021-yilda esa jamoalar bir guruhdan joy olgan. Unda katalonlar ikki o‘yinda ham 0:3 hisobida yutqazgandi.
“Barselona” va “Bavariya” bilan birga “Inter”, “Viktoriya Plzen” ham C guruhidan joy olgan.
Izoh (0)