Bugun,

  • USD 11014.01
  • RUB 191.8
  • EUR 10674.78

Shavkat Mirziyoyevning Saudiya Arabistoniga davlat tashrifiga tayyorgarlik ko‘rish jarayonida investitsiyalar va tashqi savdo vaziri Jamshid Xo‘jayev mamlakatning atrof-muhit, suv va qishloq xo‘jaligi vaziri Abdulrahmon al-Fadli bilan muzokaralar o‘tkazdi. Bu haqda vazirlik axborot xizmati xabar qildi.

Foto: Investitsiyalar va tashqi savdo vazirligi

Foto: Investitsiyalar va tashqi savdo vazirligi

Qayd etilishicha, tomonlarning diqqat markazida qishloq xo‘jaligi sohasidagi hamkorlikni kengaytirishning joriy masalalari va istiqbollari bo‘lgan.

O‘zbekiston tomoni Saudiya Arabistonilik hamkorlarining tajribasi jalb qilinishi rejalashtirilgan aniq yo‘nalishlarni taklif qilgan. Xususan, so‘z agrar sohada innovatsiyalarni joriy etish va ta’lim tizimini takomillashtirish loyihalari haqida borgan.

Soha doirasidagi barcha ilmiy-tadqiqot institutlarining o‘zaro hamkorligini faollashtirish maqsadida O‘zbekiston Qishloq xo‘jaligida bilim va innovatsiyalar milliy markazi (AKIS) va Saudiya Arabistonining Barqaror qishloq xo‘jaligi milliy ilmiy-tadqiqot markazi o‘rtasida hamkorlik o‘rnatish to‘g‘risida kelishuvga erishilgan.

“Muzokaralar yakunida tomonlar Saudiya Arabistoni kompaniyalarini O‘zbekiston bilan qo‘shma loyihalarni ishlab chiqishga jalb qilish bo‘yicha sa’y-harakatlarni birlashtirishga kelishib olgan. Bu O‘zbekistonda yuqori sifatli qishloq xo‘jaligi mahsulotlarini ishlab chiqarish va keyinchalik Saudiya Arabistoniga eksport qilish uchun imkoniyat yaratadi”, — deyiladi xabarda.

Izoh
Asosiy yangiliklar
Dunyo
Afg‘onistonda urush boshlagan AQSH, dispetcher xatoligi sabab qulagan samolyot va Putinning tug‘ilgan kunida o‘ldirilgan faol jurnalist. Kun xronologiyasida 7-okta...
Dunyo
“Ham Moskva, ham Kiyev bilan faqat men ochiq muloqot qilyapman”. Erdo‘g‘on Putin bilan qo‘ng‘iroqlashish rejasini ma’lum qildi
Mahalliy
Surxondaryodagi bog‘chada 4 yoshli bola vafot etdi