Bugun,

  • USD 11095.31
  • RUB 173.84
  • EUR 10772.44

Keyingi paytlarda ro‘moli bilan bog‘liq vaziyat sabab ko‘plab tanqidlarga uchragan aktrisa Farangiz Xoliqova ayni damda Turkiyadagi “Fashion Academy”da tahsil olmoqda. “Daryo” muxbiri Nargizaxon Murodova marhum ijodkor Husniddin Xoliqovning qizi bilan bog‘lanib, onlayn intervyu tashkil qildi.

Nega aynan Turkiya?

Foto: Farangiz Xoliqovaning shaxsiy arxividan

Foto: Farangiz Xoliqovaning shaxsiy arxividan

— Ayni paytda Istanbul shahridagi “Fashion Academy”da tahsil olyapman. Bu universitet emas, uch yil avvalgi orzularimni amalga oshirish uchun kurashyapman. Marjona opam aynan Turkiyada yashagani uchun uning nazoratida o‘qishimga ruxsat berishgan. Aslida uning qo‘liga ishonib topshirishgan, desam ham bo‘ladi.

Bundan tashqari, bu yerda tadbirkorlik bilan ham shug‘ullanaman. Bu faoliyat bilan 19-20 yoshimdan buyon shug‘ullanaman. Bekorchilikni jinim suymaydi, hamisha band bo‘lishim kerak. Ortiqcha daromad hech kimga zarar qilmaydi, deb hisoblayman.

“Dadam vafot etganida 8 yoshda edim”

Foto: “Kun.uz”

Foto: “Kun.uz”

— Bolaligim kamalakdek rang-barang o‘tgan. Oilada kichik farzand bo‘lganim uchun juda erka bo‘lganman. Dadam rahmatli Pelikan, onamlar model qizim deb erkalashardi.Yosh bo‘lsam-da, ota-onalarga bir tavsiyam bor. Farzandlariga ko‘proq mehr berib, rag‘batlantirib katta qilishsin. Hayotimda ko‘p to‘siqlardan tik, mag‘rur o‘tishimga, o‘sha mehr va g‘urur dastak bo‘lgan.Dadam rahmatli nafaqat haqiqiy iste’dod egasi, balki eng yaxshi inson ham edi. Ulardan ayrilgan kunni hech qachon unutolmasam kerak. O‘shanda bor-yo‘g‘i 8 yoshda edim. Hayotda hali ko‘p narsalarni tushunmaydigan yoshda bo‘lsam ham eng mehribon insonimdan ayrilganimni anglaganman.

“Tasodif sabab san’atga kirib kelganman”

Foto: Farangiz Xoliqovaning shaxsiy arxividan

Foto: Farangiz Xoliqovaning shaxsiy arxividan

— Onam aktrisa bo‘lishimga qarshi bo‘lmagan, aksincha bu borada ko‘p bor qo‘llab-quvvatlagan. Avvaliga o‘zim ikkilanganman. Rejissor Zebo Navro‘zova bilan bir mahallada turardik. Bir kuni ko‘rishib qolganimizda “Klipga suratga tushasanmi?” deb so‘ragan. U paytda 15 yoshli qiz edim. Tabiiyki, menda ham san’atga qiziqish bo‘lgan. Ertasi kuni aytilgan manzilga kelib, ilk rolimni Shohruhxonning “Chorla” klipida ijro etganman. Keyin boshqa kliplarga ham taklif etishgan.

“Bir inson hayotiga zomin bo‘lishni istamadim”

Foto: Farangiz Xoliqovaning shaxsiy arxividan

Foto: Farangiz Xoliqovaning shaxsiy arxividan

— Maktabni tamomlash arafasida bolalar shifokori bo‘lishni istardim. U paytlarda akademik litseylar bo‘lardi. O‘qish jarayonida esa mendan shifokor chiqmasligini angladim. Chunki ko‘zim yetmagan kasbni egallab bir insonning hayotiga zomin bo‘lishni istamaganman. Shundan keyin menga Instagram orqali Durdona To‘laganova xabar yo‘llab, “Jurnalist” serialiga taklif etgan. Ijrom rejissorga ma’qul kelgan, ammo ilk rolim bo‘lgani uchun unda kamchiliklar borligidan ko‘z yummayman.

“O‘zbekistonda aktyorlikdan boyiganlarni tanimayman”

Foto: Farangiz Xoliqovaning shaxsiy arxividan

Foto: Farangiz Xoliqovaning shaxsiy arxividan

— Aktrisalik men uchun hobbi. O‘zbekistonda yashayotganimda bir oyda 5-6 ta film va seriallardan takliflar tushardi. Ssenariylarni o‘qib, gonorariga qiziqardim. Ikkisi ham ketgan vaqtimga arzimasligini tushunib yetgach, rollarni rad etardim. Aktyorlarning gonorari juda kam. Ba’zida ketgan vaqtingizga ham arzimaydi. Shu boisdan ham O‘zbekistonda aynan aktrisalikning ortidan boyib ketganlarni tanimayman.

“Jajji singlim hayotimizga nur olib kirdi”

Foto: Farangiz Xoliqovaning shaxsiy arxividan

Foto: Farangiz Xoliqovaning shaxsiy arxividan

— Ikki opam, ukam va singlim bor. Katta opam turmushga chiqqan, oilasi va farzandlari bilan band. Keyingisi o‘qish va ishi bilan mashg‘ul. Ukam esa doimgidek izlanishda. U dadamdek aqlli, kompyuter va til o‘rganishga qiziqadi. Singlim esa hali juda kichkina. U hayotimizga nur olib kirgan. Ko‘z tegmasin, oilamiz juda ahil. Chunki onam juda kichikligimizdan boshlab bir-birimizni himoya qilib yashashimiz kerakligini uqtirgan.

“San’at menga kerakmi yoki yo‘q”

Foto: Instagram

Foto: Instagram

— Bir yil avval Antalyada dam olayotganimda turk serialiga taklif qilishgan. Ammo taklifni rad etganman. Chunki o‘sha patda xayollarim juda chalkash edi. Hozir ham istasam, turk seriallarida suratga tushishim mumkin. Chunki insonda xohish bo‘lsa hamma narsa qo‘lidan keladi. Faqat haligacha bu menga kerakmi yoki yo‘qmi degan ikkilanish bor.

“Ro‘molimni g‘iybat qilish bandasiga emas”

Foto: Farangiz Xoliqovaning shaxsiy arxividan

Foto: Farangiz Xoliqovaning shaxsiy arxividan

— Ro‘molim sabab turli gap so‘zlar ko‘paydi. Insonlar istagancha gapirishdi, ammo muhokama qilish bandasiga emas ekanini unutishdi. Har kim o‘z boshiga g‘amni sotib olar ekan. Ortimdan g‘iybat qilayotganlarni Alloh kechirsin deb duo qilaman. Ilgari odamlarning gap-so‘zlarini eshitib, ranjirdim. Hozir esa e’tibor ham bermayman. Onamning gapiga quloq solaman. Odamlarning gap so‘zidan ko‘ra, yaqin insoningizning fikri va qalbingizdagi xotirjamlik muhimroq ekanini allaqachon anglab yetganman. Agar unday insonlar mendek xotirjam va baxtli bo‘lganlarida g‘iybat qilib yurishmasdi. Menimcha, ulardan ranjish mantiqsizlik bo‘lsa kerak.

Bundan tashqari, Farangiz Xoliqova nima uchun xonanda Dilso‘zga otasining “O‘zbekiston” qo‘shig‘ini ijro etishni taqiqlaganiga ham oydinlik kiritib o‘tdi.

— Ha rost, taqiqlaganmiz. Haqiqatan ham dadamning qo‘shiqlarini qizg‘onaman. Chunki yaratilgan qo‘shiqlarning ortida dadam bilan birga onamning ham mehnatlari bor. Qo‘shiqni ijro etganlari uchun taqiqlamaganman, faqatgina onamdan bir og‘iz so‘ramay, boshqa insonlarning roziligini olishgani va hech qayerda qo‘shiq dadamniki ekanini aytishmaganidan ranjigandim.

Mavzuga doir:

Izoh
Asosiy yangiliklar
Dunyo
“Ukrainadagi urushni Rossiya boshlamagan” — Putin (video)
Mahalliy
O‘zbekistonda davlat tashkilotlari mashinalariga gaz quyish vaqtincha taqiqlandi
Mahalliy
Toshkentda Cobalt yo‘ldan o‘tayotgan ona-bolani urib yubordi (video)