51 yoshli xonanda Nargiz Zokirova farzand kutmoqda (foto)
51 yoshli xonanda Nargiz Zokirova to‘rtinchi marta ona bo‘ladi. Bu haqda Starxit nashri xabar berdi.
Nargiz Zokirova Instagram’dagi kuzatuvchilariga turmush o‘rtog‘i Anton Lovyagin bilan tushgan suratini namoyish etdi. Suratda xonandaning homilador ekanligi aks etgan. Muxlislari xonandani ushbu yangilik bilan tabriklab, unga iliq tilaklarini yozib qoldirgan. Keyinchalik Nargiz Zokirova ushbu suratni sahifasidan o‘chirib yubordi.
Nargiz Zokirova uch farzandning onasi, uning ikki nafar nevarasi bor. Xonanda o‘zidan 12 yosh kichik Anton Lovyagin bilan ish jarayonida tanishib, do‘stlashgani, keyinroq ular bir-biriga ko‘ngil qo‘ygani haqida so‘zlab bergan. Juftlikning to‘yi Fransiyada bo‘lib o‘tgan.
Ma’lumot uchun, Nargiz Zokirova 1970-yilning 6-oktabr sanasida Toshkent shahrida tug‘ilgan. Xonanda respublika sirk maktabining estrada yo‘nalishida tahsil olgan. Dastlab turli guruhlarda qo‘shiq kuylagan Nargiz Zokirova faoliyatini yakkaxon xonanda sifatida davom ettirdi. U ilk bor 1990-yilda xonanda Ruslan Sharipov bilan oila qurgan. Ijodkorlarning uzoq yil baxtli hayot kechirishlariga ko‘pchilik ishongan. Ammo unday bo‘lmadi, yulduzli juftlik xonadonida tug‘ilgan Sabina ismli qizaloq ham oilani ajrimdan asrab qololmagan. Xonandaning keyingi turmush o‘rtog‘i Yernur Kanaybekov bo‘ldi. Nargiz Zokirovaning bu nikohidan Auel ismli o‘g‘li bor. Yernur Kanaybekov 1997-yilda avtohalokat tufayli vafot etgan. Shundan so‘ng xonanda yana bir marta turmushga chiqqan. Filipp Balzano bilan nikohi davomida u qizi Leylani dunyoga keltirgan. 2016-yilda Nargiz va Filipp Balzano nikohi bekor qilingan.
Xonanda Amerika fuqaroligiga ham ega bo‘lib, u 1995-yilda ota-onasi bilan AQSHga ko‘chib o‘tgan. 2013-yilda u “Golos” vokal shousida ikkinchi o‘rinni egallagan, shundan so‘ng xonanda Rossiyada ijodiy faoliyatini boshlagan.
Avvalroq Nargiz Zokirovaga 2072-yilga qadar Rossiyaga kirish taqiqlangan edi.
Mavzuga doir:
- Instagram: Qizini uzatgan taniqli suxandon, Bunyodbek Saidovga atalgan hashamatli tort, Nigina Jabborova Akobirga turmushga chiqyaptimi? Nargiz Zokirova O‘zbekistondan ketdi.
- Xonanda Nargiz Zokirovaga 2072-yilga qadar Rossiyaga kirish taqiqlandi.
- Nargiz Zokirova Moskvada hibsga olindi, u O‘zbekistonga deportatsiya qilinishi mumkin.
- Instagram: Dildora Niyozova san’atni tark etdi, “Chorsu”da pomidor sotayotgan Nargiz Zokirova, “Million” konsertiga borgan Yulduz Usmonova.
