O‘zbekistonda 11-avgust kuni kiberxavfsizlik bo‘yicha AntiHack Challenge turniri bo‘lib o‘tadi. Bu haqda Axborot texnologiyalari va kommunikatsiyalarini rivojlantirish vazirligi xabar qildi.
Qayd etilishhicha, tadbir mamlakat yoshlarining axborot xavfsizligiga qiziqishini oshirish, shuningdek, ushbu yo‘nalish bo‘yicha ko‘nikma va salohiyatni shakllantirishga qaratilgan. Turnir dasturi bir kunga mo‘ljallangan bo‘lib, 4 ta laboratoriya ishlarini o‘z ichiga oladi.
Ishtirok etish shartlari:
- jamoa ikki kishidan iborat bo‘lishi kerak;
- guruh a’zolaridan birining “ulanish nuqtasi” (“tochka dostupa”) funksiyasi va efir diapazonini boshqarish imkoniyati mavjud Android mobil telefoniga ega bo‘lishi tavsiya etiladi;
- Ubuntu virtual mashinasi o‘rnatilgan noutbuk (18.10 versiyasidan boshlab ulab olish va inyeksiya qilish uchun mos Wi-Fi adapteri bilan);
- tashqi adapterni ulash uchun USB portli noutbuk.
Ishtirok etish uchun quyidagi havola orqali ro‘yxatdan o‘tish mumkin. Ishtirokchilar saralash bosqichidan o‘tish uchun arizani to‘ldirishda test sinovidan o‘tkaziladi.
Izoh (0)