APL. “Manchester Yunayted” Ten Hagning debyut o‘yinida mag‘lubiyatga uchradi
Futbol bo‘yicha Angliya Premyer Ligasining 1-turidan o‘rin olgan ikkita bahs 7-avgust, yakshanba kuni bo‘lib o‘tdi.
“Manchester Yunayted” o‘z uyida “Brayton”ni qabul qildi. Birinchi bo‘limda mehmonlar Paskal Grossning dublidan keyin oldinga o‘tib oldi.
68-daqiqada Mak Allisterning avtogolidan keyin hisob qisqardi. Qolgan vaqtda mankunianlar vaziyatni o‘nglay olmadi.
Shu tariqa Erik ten Hag qo‘l ostidagi jamoasi APL 2022/23-yilgi mavsumini mag‘lubiyat bilan boshladi.
APL
1-tur bahslari
7-avgust, yakshanba
“Manchester Yunayted” — “Brayton” 1:2
Gollar: 0:1 – 30 Gross, 0:2 – 39 Gross, 1:2 – 68, avtogol Mak Allister.“Manchester Yunayted”: De Xea, Diogu Dalot, Maguayr, Martines, Shou (Malasia, 90), Fred (Ronaldu, 53), Brunu Fernandesh (Garnacho, 90), Maktominey (van de Bek, 78), Eriksen, Reshford, Sancho (Elanga, 90).
“Brayton”: Sanches, Dank, Uebster, Veltman, Gross, Lallana (Mvepu, 76), March (Koluill, 90), Mak Allister, Kaysedo, Uelbek, Trossard (Lempti, 75).
Ogohlantirishlar: Maktominey (25), Martines (45), Maguayr (53), Trossard (53), Shou (74).
