Uch barmoqli tirannozavr, elektr fonar, qaroqchilar tamg‘asi — film ijodkorlari tomonidan maqsadli tarzda ataylab qilingan xatoliklar (foto)

Umuman olganda odamlar filmlardagi xatolarni ko‘pincha sezmaydi. Biroq sinchkov tomoshabinlar tomonidan topilgan xatolarning hammasi ham suratga olish guruhi tomonidan e’tiborsizlik tufayli amalga oshirilmagan. Ba’zida film rejissorlari ijodiy zarurat uchun tarixiy haqiqatni qurbon qilishi ham mumkin.

Neoning tug‘ilgan sanasi

Pasportdagi Neoning tug‘ilgan sanasi u haqda to‘plangan ma’lumotdan farq qiladi. Pasportiga ko‘ra, u 1971-yil 13-sentabrda tug‘ilgan, ma’lumotnomada esa 1962-yil 11-mart ko‘rsatilgan, ya’ni u 9 yosh katta. Bu kino ijodkorlarining aybi emas. Taxminlarga ko‘ra, Neo xaker bo‘lgani uchun ataylab o‘zi haqida noto‘g‘ri ma’lumotlarni tarqatgan.

Morfeusning ko‘zoynaklari

Neo va Morfeus konstruktor dasturiga kirganda tomoshabin Morfeusning qora ko‘zoynaklarida yaltiroq linzalar borligini va bir soniyadan keyin ular oddiy shisha bo‘lib qolganini ko‘radi. Gap shundaki, bu sahnaning boshida Morfeus jim turadi va operator uni aylanma trayektoriya bo‘ylab yaqinlashib kelayotgan stedikamda (kamerani barqarorlashtirish tizimi) tasvirga oladi. Oynali ko‘zoynaklar Neo qizil va ko‘k tabletkalarni tanlagan sahnani samarali aks ettirish uchun ham kerak bo‘lgan.

Tirannozavrning barmoqlari

Albatta, hech kim dinozavrlarga qarshi kurashayotgan ulkan maymun haqidagi blokbaster filmida ilmiy haqiqat kutmaydi, ammo shunga qaramay, ko‘pchilik Piter Jeksonning 2005-yilda suratga olingan “King Kong” filmidagi tirannozavr barmoqlarining 3 tadanligini payqagan – aslida esa har bir qo‘lda 2 tadan bo‘lishi kerak edi.

Gap shundaki, Piter Jekson 1933-yilda suratga olingan “King Kong” haqidagi filmga hurmat yuzasidan 3 barmog‘li tirannozavr shundayligicha qoldirilgan.

Jek Chittak qo‘lidagi tamg‘a

Jek Chittak “Karib dengizi qaroqchilari” filmining boshida cho‘kib ketayotgan Elizabet Suonni qutqarganidan so‘ng uni Jeyms Norringtonning odamlari qo‘lga oladi. Norrington go‘yoki qo‘l siqish uchun Jekka qo‘lini cho‘zganda, u qaroqchining bilagidagi “P” (Pirate) harfi shaklidagi tamg‘ani ko‘radi.

Tarixda ham Sharqiy Hindiston savdo kompaniyasi jinoyatlari uchun qaroqchilarni qoralagan, shuning uchun ularning peshonalariga tamg‘a qo‘ygan, shunda har kim qaroqchini darhol tanib olishi mumkin edi. Ammo film sujetini hisobga olgan holda tamg‘a qaroqchining peshonasiga emas, bilagiga uriladi.

“Titanik”da foydalanilgan elektr fonarlar

“Titanik” filmining sujeti mayda detallargacha katta e’tibor bilan qurilgan. Omon qolganlarning ko‘plab guvohliklari va kemadan olingan fotosuratlarga ko‘ra, kemaning ichki qismi, qahramonlarning kiyimlari, oziq-ovqat, ichimliklar ehtiyotkorlik bilan tiklangan.

Biroq Jeyms Kemeron qutqaruv qayiqlari halokat sodir bo‘lgan joyga yetib kelgan so‘nggi sahnalardan birida dramatik effekt uchun haqiqatni qurbon qiladi. Qutqaruvchilarning biri katta elektr fonardan foydalanadi, garchi o‘sha paytlarda kerosin fonarlar ishlatilgan. Kino ijodkorlari butunlay fojiali manzara — suvda suzayotgan kema qoldiqlari va muzlab qolgan odamlarni ko‘rsatish uchun xira yorug‘lik yetarli bo‘lmasligini yaxshi bilishgan.

Mashinaning orqa oynasi

“Kelajakka qaytish” blokbasterining ikkinchi qismida Marti Biffdan sport almanaxini olish uchun 1950-yilga boradi. Marti Biff bilan mashinaga o‘tirganda, orqa ko‘zgu aniq ko‘rinadi, ammo keksa Biff almanaxni yosh Biffga topshirgan sahnada oyna yo‘q bo‘lib qoladi.

Buni tushuntirish oson: bitta aktyor kadrda 2 ta obraz yaratganda bo‘linish effektini yaratish oynasiz osonroq bo‘ladi.

Sahna bezaklari

“Mulen Ruj” myuziklining so‘nggi kadrlarida sahna foni sezilmas darajada o‘zgaradi. Avvaliga quyosh botishi fonida saroy va arkni ko‘ramiz, so‘ngra yurak shaklidagi murakkab pardalar paydo bo‘ladi, ark yo‘qoladi, yo‘q joydan juda ko‘p qo‘shimcha bezaklar paydo bo‘ladi. Ma’lum bo‘lishicha, bu sahna 2 marta turli ko‘rinishda suratga olingan.

Kartina boshlanishi boshqa fon bilan, oxiri esa boshqasi bilan yaxshiroq chiqadi, film ijodkorlariv esa tomoshabin sahna almashganini sezmasligi uchun ularni bitta sahnaga birlashtirishga qaror qilishadi va tutun effektidan foydalanishadi.

Tarzan badanidagi tirnalishlar

Xuddi shu nomdagi multfilmda Tarzan ulkan qoplon Sabor bilan mardonavor jang qiladi va jang paytida ko‘kragida tirnoq izlari qoladi. Biroq jang oxirida tirnalishlar sirli tarzda yo‘qoladi.

Bu Disney studiyasining aybi emas, balki zarurat edi: multfilm belgilangan yosh chegarasiga mos kelishi uchun unda qonli sahnalarni ko‘rsatish mumkin emas. Jarohatlar va shafqatsizlikka ham e’tibor qaratish taqiqlangan.