Surxondaryo viloyati Jarqo‘rg‘on tumanida Nexia-3 avtomashinasini o‘g‘irlab ketgan yigit qo‘lga olindi.
2022-yil 26-iyul kuni soat 10:50 da Jarqo‘rg‘on tumani “Nurli diyor” mahallasida yashovchi 24 yoshli M.M. viloyat IIBning 102 qisqa raqamiga qo‘ng‘iroq qilib, unda shu kuni soat 10:20 da Jarqo‘rg‘on tumanida joylashgan Dehqon bozorining oldiga o‘ziga tegishli bo‘lgan Nexia-3 rusumli avtomashinasida kelib, avtomashinasining eshiklarini ochiq holda qoldirib, o‘z ish bilan bozorga kirib ketganidan foydalangan noma’lum shaxs, o‘t oldirish tugmasi orqali avtomashinani o‘t oldirib, olib qochib ketganini ma’lum qilib, ushbu shaxsga nisbatan qonuniy chora ko‘rishni va avtomashinasini topishda amaliy yordam berishni so‘ragan.
Mazkur holat yuzasidan viloyat YHXB tomonidan e’lon qilingan to‘sib ushlash tadbiri jarayonida, M-41 avtomobil yo‘lining Qumqo‘rg‘on tumani “Jarqishloq” mahallasi hududidan o‘tuvchi viloyat YHXB inspektorlari tomonidan jabrlanuvchiga tegishli bo‘lgan Nexia-3 rusumli avtomashinasi Denov tumani “Yulduzli” ko‘chasi 26-uyda istiqomat qiluvchi muqaddam ushbu turdagi jinoyatni sodir etgani uchun javobgarlikka tortilgan 18 yoshli S.M. tomonidan olib qochib ketayotgani aniqlangan.
U to‘sib ushlash yo‘li bilan ushlanib, ushbu avtomashina ashyoviy dalil sifatida rasmiylashtirib olingan.
Mazkur holat yuzasidan Surxondaryo viloyati Denov tumani IIB huzuridagi Tergov guruhi tomonidan S.M.ga nisbatan Jinoyat kodeksning 267-moddasi 2-qismi “g” bandi (transport vositasini olib qochish) bilan jinoyat ishi qo‘zg‘atilib, protsessual tartibda ushlangan.
Hozirda yuqoridagi shaxs nima sababdan ushbu jinoyatga qo‘l urganligi aniqlanmoqda.
Tergov harakatlari davom etmoqda.
Izoh (0)