Andijon viloyati Xo‘jaobod tumanida ekstremistik ruhdagi materiallarni targ‘ib qilgan shaxs aniqlandi. Bu haqda viloyat Ichki ishlar boshqarmasi xabar qildi.
Qayd etilishicha, 25-iyul kuni huquqni muhofaza qiluvchi organ xodimlari tadbir o‘tkazilgan. Unda Xo‘jaobod tumanida yashovchi, muqaddam sudlanib ozodlikdan mahrum qilish tariqasidagi jazo muddatini o‘tab chiqqan fuqaro R.M. Facebook ijtimoiy tarmog‘ida profil yaratib, ushbu profili orqali ekstremistik materiallarni tarqatib kelgani aniqlangan. U O‘zbekistonda faoliyati taqiqlangan “Hizb ut-tahrir” tashkilotining g‘oyalarini ilgari suruvchi video materiallarni profiliga joylashtirish orqali o‘zining do‘stlar sahifasidagi 187 nafar sayt foydalanuvchilari bilan ulashgan.
Ushbu shaxs muqaddam diniy-ekstremistik tashkilotdagi faoliyati uchun sudlanib ozodlikdan mahrum qilish jazosini o‘tab chiqqan edi.
Holat yuzasidan Jinoyat kodeksining 244-1-moddasi (jamoat xavfsizligi va jamoat tartibiga tahdid soladigan materiallarni tayyorlash, saqlash, tarqatish yoki namoyish etish) 3-qismi “g” bandi bilan jinoyat ishi qo‘zg‘atilib, “qamoq” ehtiyot chorasi qo‘llanilgan.
Mavzuga doir:
- Surxondaryoda Suriyadagi xalqaro terrorchilik tashkilotiga qo‘shilmoqchi bo‘lgan 20 yoshli yigit ushlandi
- Toshkent viloyatida ekstremistik g‘oyalarni targ‘ib qilib, Suriyadagi jihodchilar oqimiga qo‘shilmoqchi bo‘lgan shaxs ushlandi
- Surxondaryoda “Hizb ut-tahrir” a’zosi 5 yilga ozodlikdan mahrum etildi
Izoh (0)