Сурхондарё вилояти Жарқўрғон туманида Nexia-3 автомашинасини ўғирлаб кетган йигит қўлга олинди.
2022 йил 26 июль куни соат 10:50 да Жарқўрғон тумани «Нурли диёр» маҳалласида яшовчи 24 ёшли М.М. вилоят ИИБнинг 102 қисқа рақамига қўнғироқ қилиб, унда шу куни соат 10:20 да Жарқўрғон туманида жойлашган Деҳқон бозорининг олдига ўзига тегишли бўлган Nexia-3 русумли автомашинасида келиб, автомашинасининг эшикларини очиқ ҳолда қолдириб, ўз иш билан бозорга кириб кетганидан фойдаланган номаълум шахс, ўт олдириш тугмаси орқали автомашинани ўт олдириб, олиб қочиб кетганини маълум қилиб, ушбу шахсга нисбатан қонуний чора кўришни ва автомашинасини топишда амалий ёрдам беришни сўраган.
Мазкур ҳолат юзасидан вилоят ЙҲХБ томонидан эълон қилинган тўсиб ушлаш тадбири жараёнида, М-41 автомобиль йўлининг Қумқўрғон тумани «Жарқишлоқ» маҳалласи ҳудудидан ўтувчи вилоят ЙҲХБ инспекторлари томонидан жабрланувчига тегишли бўлган Nexia-3 русумли автомашинаси Денов тумани «Юлдузли» кўчаси 26-уйда истиқомат қилувчи муқаддам ушбу турдаги жиноятни содир этгани учун жавобгарликка тортилган 18 ёшли С.М. томонидан олиб қочиб кетаётгани аниқланган.
У тўсиб ушлаш йўли билан ушланиб, ушбу автомашина ашёвий далил сифатида расмийлаштириб олинган.
Мазкур ҳолат юзасидан Сурхондарё вилояти Денов тумани ИИБ ҳузуридаги Тергов гуруҳи томонидан С.М.га нисбатан Жиноят кодекснинг 267-моддаси 2-қисми «г» банди (транспорт воситасини олиб қочиш) билан жиноят иши қўзғатилиб, процессуал тартибда ушланган.
Ҳозирда юқоридаги шахс нима сабабдан ушбу жиноятга қўл урганлиги аниқланмоқда.
Тергов ҳаракатлари давом этмоқда.
Изоҳ (0)