Xarkovda universitet o‘qqa tutildi. Irlandiya Ukrainani tiklashda yordam va’da qildi. Urushning 133-kunidan fotoreportaj
12988
6-iyulga o‘tar kechasi Rossiya harbiylari Xarkovdagi Grigoriy Skovoroda nomidagi Milliy pedagogika universiteti binosiga havo hujumi uyushtirdi; qorovul halok bo‘ldi. Rossiya Mudofaa vazirligi Ukrainaga Amerikadan yetkazib berilgan ikkita HIMARS baravar o‘t ochuvchi reaktiv tizimini yo‘q qilgani haqida xabar berdi. Ukraina Qurolli kuchlari Bosh shtabi buni “feyk” deb atadi. Donbass shimolida otishmalar davom etmoqda, jabrlangan shaharlardan biri — Seversk. Irlandiya bosh vaziri Kiyev viloyatiga keldi va Ukrainani Yevropa Ittifoqiga qo‘shilish masalasida qo‘llab-quvvatlashga va’da berdi. Moskva Putin noyabr oyida bo‘lib o‘tadigan G20 sammitida ishtirok etmoqchiligini oldindan e’lon qildi. U yerga Zelenskiy ham taklif qilingan. Meduza urushning 133-kuniga oid asosiy fotosuratlarini jamladi.
Xarkov viloyati
G.S. Skovoroda nomidagi Milliy pedagogika universiteti aviazarbadan keyin. Xarkov viloyati prokuraturasi ma’lumotlariga ko‘ra, otishmada 40 yoshli qorovul halok bo‘lgan. Foto: AFP
Xarkov pedagogika universiteti binosining singan vitrajlari. 6-iyulga o‘tar kechasi Xarkovda universitetdan tashqari uchta tuman o‘qqa tutildi, ma’muriy bino zarar ko‘rdi.Foto: Anadolu
Donbass shimoli
Ukraina harbiylari Severskda o‘qqa uchragan yarador askarni olib ketmoqda.Urushni o‘rganish bo‘yicha Amerika instituti (ISW) 6-iyul kungi hisobotida Rossiya armiyasi Lisichanskdan g‘arbga va Lugansk viloyati chegarasidan Seversk yo‘nalishi bo‘yicha harakatlanayotgani haqida xabar berdi. Ukraina harbiylariga ko‘ra, Seversk viloyatida havo hujumi uyushtirilgan.Foto: Anadolu
Seversk kuchli o‘qqa tutilgandan keyin hovlida o‘tirgan shahar aholisi.Foto: Anadolu
LXR xalq militsiyasining “Avgust” bataloni tankchilari Lugansk viloyatidagi pozitsiyada.Foto: “TASS”
Seversk o‘qqa tutilgandan keyin yarador askarlarni olib ketayotgan tez yordam mashinasi.Foto: Anadolu
Kiyev viloyati
Kiyevdagi Mixaylovskaya maydoni. Knyaginiya Olga yodgorligi uni o‘qlardan himoyalash uchun qum qoplari bilan o‘rab tashlangan. Surat Irlandiya bosh vaziri Mixol Martinning Ukrainaga tashrifi vaqtida olingan. U Irlandiya urushdan keyin Ukrainani tiklashga yordam berishini va’da qildi.Foto: PA Wire
Kiyev viloyati aholisi Ivan Kupala bayrami kechasi olov atrofida raqsga tushmoqda.Foto: EPA
