Aprel oyida O‘zbekiston va Ukraina o‘rtasidagi savdo aylanmasi hajmi 7,3 million dollarni tashkil qildi. Bu Davlat statistika qo‘mitasi ma’lumotlarida qayd etildi.
Taqqoslash uchun, o‘tgan yilning aprel oyida u 50 million dollarni tashkil qilgan edi. Eksport mart oyida to‘liq to‘xtatilgandi, aprel oyida esa import ham keskin kamaydi.
Natijada Ukraina O‘zbekistonning savdo hamkorlari orasida 15-o‘rinni egalladi. O‘tgan yilning aprel oyida mamlakat 9-o‘rinda edi.
Bularning barchasini Rossiyaning Ukrainaga fevral oyining oxiridan beri davom etayotgan hujumi bilan izohlasa bo‘ladi.
Urush boshlangunga qadar Ukraina O‘zbekistondan, asosan, meva-sabzavot va to‘qimachilik mahsulotlari, azotli va kaliyli o‘g‘itlar, etilen polimerlari, rux xomashyosi va avtomobil xarid qilgan.
Avvalroq Ukrainadagi urush tufayli dunyoda oziq-ovqat halokati yaqinlashgani haqida xabar berilgan edi.
Izoh (0)