Kuni kecha Qoraqalpog‘istonda “Yoshlar ovozi” tanlovining respublika bosqichiga start berilgani haqida xabar berilgandi. Unda ishtirokchilar baxshichilik, opera, estrada hamda an’anaviy san’at yo‘nalishlari bo‘yicha mahoratini ko‘rsatib, o‘z yosh doiralaridagi raqobatchilar bilan bellashdi.
Bugun, 14-may kuni final bosqichining barcha yo‘nalishlari bo‘yicha saralash jarayonlari tugatildi.
Tanlov ishtirokchilarini saralashga quyidagi hay’at a’zolari jalb etilgan:- O‘zbekiston xalq artisti, O‘zbekiston Qahramoni Munojot Yo‘lchiyeva;
- O‘zbekiston xalq artisti Ismoil Jalilov;
- “Nihol” mukofoti sovrindori, Xalqaro baxshichilik festivali g‘olibi Feruzbek Normatov;
- “Do‘stlik” ordeni sohibi, xonanda Akbar Atamuhammedov;
- Zulfiya nomidagi davlat mukofoti sovrindori, “Shuhrat” medali sohibasi Shirin Mamatova.
Tanlovda birinchilikni qo‘lga kiritgan to‘rt yo‘nalishning 12 nafar ishtirokchisi 50 million so‘m, ikkinchi o‘rin g‘olibi 30 million so‘m, 3-o‘rin egalari 20 million so‘m pul mukofoti bilan taqdirlanadi.
Shu bosqichgacha yetib kelgan, biroq o‘rin olmagan har bir ishtirokchi 10 million so‘m pul yutug‘iga ega bo‘ladi.
Izoh (0)