Futbol bo‘yicha O‘zbekiston Superligasining 8-turidan o‘rin olgan so‘nggi ikkita o‘yin 12-may, payshanba kuni bo‘lib o‘tdi.
Foto: “Paxtakor”
“Paxtakor” o‘z maydonida “Surxon”ni qabul qildi. Birinchi bo‘limda darvozalar daxlsiz qoldi. Ikkinchi bo‘limda esa muxlislar gollar shousiga guvoh bo‘ldi. Uchrashuvning 54-daqiqasida Oliver Sharkich hisobni ochdi. 66-daqiqada esa Sharkich ikkinchi golni urdi va hisobni yiriklashtirdi. 81-daqiqada Luis Migel Kezada oradagi farqni qisqartirdi. O‘yin yakunida Murodbek Bobojonov hisobni tenglashtirdi va durang natijani ta’minladi.
Durang natijadan so‘ng “sherlar” ochkolari sonini 13 taga yetkazib, 5-o‘rinni egalladi. “Surxon” esa 6 ochko bilan 13-pog‘onani band etib turibdi.
“Nasaf” safarda “So‘g‘diyona” bilan bahs olib bordi. Uchrashuvning 29-daqiqasida Oybek Bozorov hisobni ochdi. 58-daqiqada Shohruz Norxonov penaltidan unumli foydalanib, muvozanatni tikladi. 74-daqiqada Oybek Bozorov uchrashuvdagi ikkinchi golini urib, qarshiliklarning g‘alabasiga hissa qo‘shdi.
Ushbu g‘alabadan so‘ng “Nasaf” ochkolarini 12 taga yetkazib, 6-o‘ringa ko‘tarilib oldi. “So‘g‘diyona” 14 ochko bilan 3-o‘rinda qoldi.
8-turdan so‘ng Superliga musobaqa jadvali quyidagicha ko‘rinish oldi:
Foto: PFL
Superliga
8-tur bahslari
12-may, payshanba
“Paxtakor” —“Surxon” 2:2
Gollar: 1:0 — 54 Oliver Sharkich, 2:0 — 66 Oliver Sharkich, 2:1 — 81 Luis Migel Kezada, 2:2 — 90+3 Murodbek Bobojonov.
“Paxtakor”: 35. Sanjar Quvvatov, 3. Hojiakbar Alijonov (88. Shahzod Azmiddinov, 80), 5. Oleksey Larin, 6. Ikrom Aliboyev (36. Abbos Fayzullayev, 46), 7. Odiljon Hamrobekov, 11. Sardor Rashidov (28. Diyor Xolmatov, 87), 14. Oliver Sharkich, 18. Hojimat Erkinov (8. Azizbek Turg‘unboyev, 80), 21. Kamen Hajiyev, 27. Sardor Sobirxo‘jayev, 34.Farruh Sayfiyev.
“Surxon”: 35. Shohruh Eshbo‘tayev, 3. Bobirjon Akbarov, 5. Serxio Rodriges, 6. Jahongir Ahmadov (4. Javohir Sohibov, 81), 8. Baxtiyor Qosimov, 19. Nuriddin Hasanov (13. Miroslav Markovich, 61), 20. Iqboljon Malikjonov, 23. Abdul Aziz Yusupov (11. Luis Migel Kezada, 59), 33. Tohirjon Shamsitdinov (26. Ulug‘bek Abdullayev, 81), 66. Behruz Shaydulov, 99. Kamron Saydazimov (10. Murodbek Bobojonov, 61).
Ogohlantirishlar: Bobirjon Akbarov (2), Nuriddin Hasanov (22), Baxtiyor Qosimov (58), Abbos Fayzullayev (77).
“So‘g‘diyona” —“Nasaf” 1:2
Gollar: 0:1 — 29 Oybek Bozorov, 1:1 — 58 Shohruz Norxonov (penalti), 1:2 — 74 Oybek Bozorov.
“So‘g‘diyona”: 27. Milan Mitrovich, 2. Sardor Qulmatov, 6. Iskandar Shoyqulov, 7. Shahboz Jo‘rabekov, 10. Shohruz Norxonov, 11. Jasur Hasanov (8. Marat Bikmayev, 60), 19. Javohir Qahramonov, 23. Behruz Shodmonov, 31. Luka Chermel, 44. Yure Obshivach (33. Doniyor Abdumannopov, 46), 93. Marko Kolakovich.
“Nasaf”: 35. Abduvohid Ne’matov, 2. Alibek Davronov, 4. Husniddin Aliqulov, 7. Sharof Muhitdinov (6. Murodbek Rahmatov, 90+7), 8. Dilshod Saitov, 10. Husayn Norchayev, 22. Akmal Mozgovoy, 77. Oybek Bozorov, 88. Marko Stanoyevich (5. G‘olib G‘aybullayev, 90+7), 92. Umar Eshmurodov, 99. Semir Smaylagich.
Ogohlantirish: Shahboz Jo‘rabekov (63).
Chetlatish: Luka Chermel (90+8).
