Bugun,

  • USD 11014.01
  • RUB 191.8
  • EUR 10674.78

Andijon viloyatida 2022-yilning o‘tgan davri mobaynida 125 ta yo‘l-transport hodisasi sodir etilgan bo‘lib, oqibatda 23 nafar fuqaro vafot etgan. Bu haqda viloyat YHXB tomonidan o‘tkazilgan matbuot anjumanida ma’lum qilindi deya xabar bermoqda “Daryo” muxbiri Umidjon Mamarasulov.

Foto: “Daryo”

Foto: “Daryo”

Matbuot anjumanida ma’lum qilinishicha, Andijon viloyatida 2021-yilda sodir bo‘lgan 848 ta yo‘l-transport hodisasi oqibatida 163 kishi vafot etgan, 685 nafar fuqaro esa turli darajada tan jarohati olgan.

Viloyat yo‘l harakati xavfsizligi boshqarmasi boshlig‘i o‘rinbosari Doniyor Turg‘unovning ma’lum qilishicha, 2021-yilda yo‘l-transport hodisalari va ularning oqibatida jabrlanganlar soni 2020-yilga nisbatan oshgan. 2021-yilda 848 ta yo‘l-transport hodisasi sodir etilgan bo‘lib, oqibatda 163 kishi vafot etgan, shuningdek, 685 nafar fuqaro turli xil og‘ir tan jarohati olib, shifoxonaga yotqizilgan. Natijada YTHlar 26 foizga, vafot etganlar 22,5 foizga, turli tan jarohatlari olganlar esa 26,8 foizga ortgan. Sodir etilgan hodisalarning katta qismi viloyat markazi, shuningdek Andijon, Shahrixon hamda Oltinko‘l tumanlariga to‘g‘ri keladi.

“Misol uchun, Andijon shahrida o‘tgan yili jami 195 ta yo‘l-transport hodisasi sodir etilgan bo‘lib, 16 kishi vafot etgan, 179 kishi turli darajadagi tan jarohati olgan. Raqamlar qiyoslanganda viloyat bo‘yicha sodir etilgan jami yo‘l-transport hodisalarining 21,1 foizini tashkil etgan”, — deydi Doniyor Turg‘unov.

Foto: “Daryo”

Foto: “Daryo”

Qayd etilishicha, 2022-yilning birinchi choragi davomida viloyat bo‘ylab 125 ta YTH sodir etilgan bo‘lib, oqibatda 23 nafar fuqaro vafot etgan, 102 kishi esa turli tan jarohatlari olgan. Eng ko‘p YTH Andijon shahri (21), Asaka va Andijon tumanlarida yuz bergan.

“Transport vositalarining ko‘pligi, yo‘llarning tirbandligi jihatdan Andijon shahri respublikamizda eng yuqori o‘rinda turadigan hududlardan biri sanaladi. Shu sababli ushbu hududda transport va piyodalar harakatini tartibga solish oldimizda turgan eng asosiy masalalardan biri bo‘lib turibdi. Kelgusida vujudga kelishi mumkin bo‘lgan muammolarni oldini olish maqsadida mutasaddi idoralar bilan birgalikda ‘2022—2023-yillarda Andijon shahrida yo‘l harakati xavfsizligini ta’minlash konsepsiyasi’ ishlab chiqildi. Unga asosan ikki yil davomida 30 ta chorrahaga innovatsion kamera va fotoradarlar o‘rnatish, o‘ta yuqori tirbandliklar kuzatilayotgan 13 ta chorrahani tartibga solish maqsadida transport vositalari, piyodalar uchun qo‘shimcha yo‘llar, shuningdek, velosiped yo‘lakchalari tashkil etish belgilangan”, — deydi mas‘ul.

Izoh
Asosiy yangiliklar
Mahalliy
“Daryo” kundaligida sodir bo‘lgan eng muhim voqealar
Mahalliy
Shavkat Mirziyoyev Putin taklifiga binoan 7-oktabr kuni Rossiyaga boradi
Mahalliy
Dunyoda koronavirusni yuqtirish holatlari 6 foiz, o‘lim ko‘rsatkichi esa 12 foizga kamaydi