Bugun,

  • USD 11095.31
  • RUB 173.84
  • EUR 10772.44

Toshkent hududida joylashgan bozorlarda poytaxt IIBB JTSB shaxsiy tarkibi tomonidan tuman veterinariya bo‘limi xodimlari bilan hamkorligida maxsus sanitariya tadbirlari o‘tkazilmoqda. Bu haqda Toshkent shahar IIBB axborot xizmati xabar berdi.

Foto: “Daryo” / Madina Nurman

Foto: “Daryo” / Madina Nurman

Tadbir davomida sanitariya-gigiyena qoidalariga amal qilinishi, shuningdek tegishli veterinariya hujjatlarisiz go‘sht va sut mahsulotlari bilan savdo qilinishining oldini olish, belgilanmagan joylarda ushbu mahsulotlar bilan savdo qilinishi tekshirildi.

Ma’lum qilinishicha, 12-martdan 18-martgacha o‘tkazilgan tekshiruvlar natijasida poytaxtning 2 ta bozorida bir qator sanitariya qoidalariga amal qilinmaganlik holatlari aniqlangan. 11 nafar tadbirkorga nisbatan ma’muriy bayonnomalar tuzilgan.

Jumladan, “Yunusobod dehqon bozori”da o‘tkazilgan tekshiruvlar natijasida jami 8 litr sut va sut mahsulotlari, 36 dona go‘sht mahsuloti (mol tuyog‘i) va 17 kilogramm baliq mahsuloti (dudlangan baliq) iste’mol qilishga yaroqsiz deb topilib, ushbu mahsulotlar utilizatsiya qilingan. Shuningdek, “Aviasozlar dehqon bozori”da o‘tkazilgan tadbir davomida, jami 28 kilogramm tovuq (qiymasi) va 82 kilogramm mol (qiymasi) go‘sht mahsulotlari iste’mol qilishga yaroqsiz deb topilgan.

14-mart kuni esa “Yunusobod dehqon bozori”da tekshiruvlar natijasida tadbirkorlardan biri go‘sht mahsuloti (mol tuyog‘i)ni tegishli hujjatlarsiz sotayotgani aniqlanib, ushbu go‘sht mahsuloti sifatini aniqlash maqsadida veterinariya boshqarmasining laboratoriyasiga topshirilgan. Yana bir qonun buzilish holati shu kuni “Sharq” YPX maskanida aniqlangan. Toshkent viloyatidan Toshkent shahriga harakatlanib kelayotgan Isuzu rusumli avtoulov tekshirilganda, 2500 dona tuxumning tegishli hujjatlari yo‘qligi aniqlanib, YPX maskanida xizmat olib borayotgan veterinariya shifokori tomonidan haydovchi bilan tushuntirish ishlari olib borilib, ogohlantirilgan.

“Hurmatli poytaxt aholisi va mehmonlari! Bozorlarda go‘sht va sut mahsulotlarini sotib olayotganda juda ehtiyot bo‘ling, sotuvchidan sotilayotgan mahsulotlar sanitariya me’yorlarining barcha talablariga javob berishini tasdiqlovchi sifat sertifikatini so‘rang”, — deyiladi xabarda.

Avvalroq Sirdaryoda 1,2 tonnadan ortiq go‘sht ko‘mib tashlangani, Toshkentga olib ketilayotgan go‘shtda xavfli virus tayoqchalari aniqlangani, Navoiyda Toshkentga olib ketilayotgan iste’molga yaroqsiz 1 tonna go‘sht yoqib yuborilgani to‘g‘risida xabar berilgandi.

Izoh
Asosiy yangiliklar
Mahalliy
Toshkent viloyatida 2023-yilda 9 ming gektar maydon qisqartirilib, 25 sotixdan aholiga beriladi
Mahalliy
Toshkent viloyatida kelin qaynonasiga 20 marta pichoq urdi (video)
Dunyo
Eronda mamlakat terma jamoasining JChdagi mag‘lubiyatini nishonlagan yigit otib o‘ldirildi