Toshkent viloyati Bo‘stonliq tumanida fuqaroga qurol o‘qtalgan haydovchi qo‘lga olindi, deya xabar bermoqda viloyat IIB matbuot xizmati.

Qayd etilishicha, 2022-yilning 9-mart kuni Toshkent viloyati IIBB navbatchilik qismiga Bo‘stonliq tumani “Azadbash” qo‘rg‘onida haydovchi o‘z oilasi bilan o‘ziga tegishli transport vositasida harakatlanib ketayotgan vaqtida Matiz haydovchisi ularga qurol o‘qtalib, to‘xtamoqchi bo‘lgani to‘g‘risida xabar kelib tushgan.

Shu zahoti ko‘rilgan chora tadbirlar natijasida Matiz haydovchisi 1997-yilda tug‘ilgan M.A. transport vositasini tashlab qochib ketayotgan vaqtida Bo‘stonliq tumani IIB YHXB YPX inspektori E.I. tomonidan ushlangan.

Xolislar ishtirokida avtoulov ko‘zdan kechirilganda mashinada pnevmatik qurol borligi va haydovchi mast holda bo‘lgani aniqlandi.

Holat yuzasidan tegishli hujjatlar rasmiylashtirilib, qonuniy chora ko‘rish uchun haydovchi va daliliy ashyolar Bo‘stonliq tumani IIBga olib borilgan.