Bugun,

  • USD 11095.31
  • RUB 173.84
  • EUR 10772.44

Qozog‘istonning birinchi prezidenti Nursulton Nazarboyevning to‘ng‘ich qizi Darig‘a Nazarboyeva mamlakat parlamenti deputatligi vakolatlaridan voz kechganini e’lon qildi. Bu haqda “Zakon.kz” xabar bergan.

Foto: Tengrinews

Foto: Tengrinews

“Bugun Parlament Majlisi deputatligi vakolatlaridan voz kechishga va jamoatchilik, ijtimoiy, madaniy va xayriya faoliyatiga asosiy diqqat-e’tiborimni qaratishga qaror qildim.

Nur Otan partiyasiga ovoz bergan qozog‘istonliklar, partiyadoshlarim va mamlakatimiz rahbariyatiga menga ishonch bildirganlari uchun minnatdorman.

Yanvardagi fojiaviy hodisalar tinchliksiz va Qozog‘iston xalqining birlashuvisiz xalq farovonligi hamda mamlakatimizning taraqqiyoti bo‘lmasligini ko‘rsatdi.

Sodir bo‘lgan voqealar – xalqimiz uchun juda katta fojia. Hodisalarni chuqur tekshirish va obyektiv tarzda tergov qilish kerak, deb hisoblayman. Aybdorlarga nisbatan adolatli jazo berilishi, aybsizlar esa ozodlikka chiqarilishi zarur.

Biz, barcha qozog‘istonliklar, jamiyatimiz ‘yanvarning qora kunlari’dan saboq olishimiz va bu kabi hodisalar boshqa takrorlanmasligi uchun o‘zimizdan talab etiladigan barcha ishlarni qilishimiz zarur.

Ushbu fojiaviy dahshatli kunlar va qo‘rquv anarxiya qanday oqibatlarga olib kelishini ko‘rsatib berdi.

Vatanimizning buguni va ertangi kuni uchun, milliy suverenitetimizni va mustaqilligimizni saqlash, tinchlik hamda xavfsizlikni ta’minlash uchun birlashishimiz, birdamlik bilan harakat qilishimiz kerak.

Men bundan buyog‘iga ham mamlakatimiz va uning manfaatlari uchun xizmat qilishda davom etaman.

Bu ishni qilishim uchun menga davlat xizmatida hech qanday lavozim kerak emas”, – deyiladi deputat Darig‘a Nazarboyevaning murojaatida.

Yanvar oyida Darig‘a Nazarboyevaning koronavirusga chalingani va parlament quyi palatasining yalpi majlisida yanvar oxirigacha ishtirok etmasligi xabar qilingan. Uning matbuot kotibi siyosatchi ayolning mazkur qarorini COVID-19 bilan kasallangandan keyingi reabilitatsiya jarayoni bilan bog‘liqligi bilan izohlagan. 21-fevral kuni Korrupsiya va uyushgan jinoyatchilikka oid tadqiqotlar markazi (OOCRP) hamda 39 ta mamlakatdan, jami 48 ta ommaviy axborot vositasida faoliyat olib boruvchi jurnalistlar #SuisseSecrets (“Credit Suisse sirlari”) surishtiruvini e’lon qildi. Surishtiruv materiallarida Yevropadagi boyliklari haqida tez-tez gapiriladigan Qozog‘iston sobiq prezidentining to‘ng‘ich qizi Darig‘a Nazarboyeva esa 2008–2012-yillarda umumiy qiymati 5 milliard rublga (2012-yil dekabr oyidagi kurs bo‘yicha) teng oltita hisob raqamidan foydalangani qayd etilgan.

Izoh
Asosiy yangiliklar
Mahalliy
O‘zbekistonning Istanbuldagi Bosh konsulxonasi Turkiyadagi fuqarolarga murojaat bilan chiqdi 
Mahalliy
O‘zbekistonda 7-fevral kuni 20 darajagacha iliq bo‘lishi kutilmoqda 
Mahalliy
O‘zbekistonda dollar kursi yana oshdi