Футбол бўйича Европа Чемпионлар Лигаси нимчорак финал босқичидан ўрин олган икки учрашув 23 февраль, чоршанба куни бўлиб ўтди.
«Манчестер Юнайтед» сафарда «Атлетико Мадрид» билан баҳс олиб борди. Беллашувда тезкор гол кузатилди: 7-дақиқада Жоау Феликс чап қанотдан оширилган тўпни боши билан ажойиб тарзда дарвозага жойлаб қўйди. Ушбу ҳисоб ўйиннинг катта қисмида сақланиб турди. Аммо 80-дақиқада Энтони Эланга қарши ҳужумни гол билан якунлаб, «қизил иблислар»ни мағлубиятдан қутқариб қолди.
«Аякс» «Бенфика» меҳмони бўлди ва 2:2 ҳисобидаги дурангга имзо чекди. Меҳмонлар сафида Душан Тадич ва Себастьян Аллер ўз номини таблога ёздириб қўйган бўлса, португал жамоасининг голига Роман Яремчук муаллифлик қилди, яна бир вазиятда эса Себастьян Аллер ўз дарвозасига тўп киритиб қўйди.
Ҳар иккала қарама-қаршиликнинг жавоб баҳслари 15 март санасида ўтказилиши режалаштирилган.
Европа Чемпионлар Лигаси
1/8 финал, дастлабки баҳслар
23 февраль, чоршанба
«Атлетико М» Испания – «Манчестер Юнайтед» Англия 1:1
Голлар: 1:0 – 7 Жоау Феликс, 1:1 – 80 Эланга.«Атлетико М»: Облак, Врсалко, Савич, Хименес, Рейнилду, Лоди (Лемар, 76), Кондогбиа, Эррера, Льоренте, Корреа, Жоау Феликс (Гризманн, 76).
«Манчестер Юнайтед»: Де Хеа, Линдельоф (Уан-Биссака, 66), Варан, Магуайр, Шоу (Теллес, 67), Погба (Матич, 66), Фред, Бруну Фернандеш, Роналду, Рэшфорд (Эланга, 75), Санчо (Лингард, 82).
Огоҳлантиришлар: Эррера (45), Шоу (50), Линдельоф (60), Рейнилду (63), Рэшфорд (65), Фред (74), Льоренте (77), Хименес (78), Теллес (83).
«Бенфика» Португалия – «Аякс» Нидерландия 2:2
Голлар: 0:1 – 18 Тадич, 1:1 – 25, автогол Аллер, 1:2 – 29 Аллер, 2:2 – 72 Яремчук.«Бенфика»: Влаходимос, Жилберто (Диогу Гонсалвеш, 90), Вертонген, Отаменди, Грималдо, Рафа Сильва, Таарабт (Паулу Бернарду, 85), Вайгль, Нуньес (Лазаро, 90), Гонсалу Рамуш, Эвертон (Яремчук, 62).
«Аякс»: Пасвеер, Мазрауи (Ренсх, 90), Мартинес, Тимбер, Блинд (Тальяфико, 73), Альварес, Гравенберх (Классен, 74), Тадич, Бергейс, Аллер, Антони.
Огоҳлантиришлар: Мазрауи (23), Бергейс (45), Нуньес (46), Гонсалу Рамуш (49), Яремчук (73), Антони (87).
Изоҳ (0)