Aktrisa, xonanda, model va ijodkorlarning ko‘p vaqti yo‘lda, suratga olish maydonchasida, repetitsiyada va ovoz yozish studiyalarida o‘tadi. Shuning uchun ular to‘laqonli oilaviy munosabatlarni va farzandlarining shaxsiy tarbiyasini faqatgina orzu qiladi. Ammo hamma mashhur ayollar ham bunday yo‘l tutmaydi.
AdMe nashri qaysi mashhur ayollar oilasi uchun (bir muncha vaqt bo‘lsa ham) karyeralari bilan xayrlashgani haqida ma’lumot beradi.Dryu Berrimor
https://www.instagram.com/p/CMKljKzDorL/
“Charli farishtalari” filmi yulduzi Dryu Berrimor hozircha katta ekranga chiqishni rejalashtirmayapti. Uning filmlarda suratga tushishdan voz kechish qarorini qizlari Olivye va Frenki tug‘ilgandan keyin qabul qilgan. U bolalarni o‘zi tarbiyalash niyatida enaga yollamadi. Ammo Dryu Berrimor qizlari ulg‘aygach, hamma narsa o‘zgarishi mumkinligini inkor etmaydi.
Elizabet Xyorli
https://www.instagram.com/p/B3dAZrGFmS8/
2005-yilda Elizabet Xyorli o‘g‘lining tarbiyasiga e’tibor qaratish uchun kinokaryerasidan uzaytirilgan ta’tilga chiqdi. “Ostin Pauers” yulduzi 2004-yildan 2010-yilgacha filmlarda suratga tushmadi.
Ketrin Xeygl
https://www.instagram.com/p/CKmpHuKh5zJ/?utm_source=ig_web_copy_link
“Ehtiros anatomiyasi” filmini suratga olishda tig‘iz ish jadvalidan bo‘sh vaqt topa olmaslik va onalik mashaqqati tufayli Ketrin Xeygl asabiy bo‘lib qolganini his qildi. Oxir-oqibat ish ikkinchi darajaga o‘tdi, u suratga olish ishlarida tanaffus qildi, keyin esa serialni butunlay tark etdi.
Jizel Byundxen
https://www.instagram.com/p/CVGH3tMgoC5/
2015-yilda supermodel 20 yillik ishidan so‘ng modellik faoliyatini yakunladi. Shu bilan birga, Jizel nafaqaga chiqmayotganini, shunchaki oilasi bilan ko‘proq birga bo‘lishni xohlashini ta’kidladi.
Gvinet Peltrou
https://www.instagram.com/p/B-sMK7ODBsh/
Gvinet Peltrou 2004-yilda birinchi marta ona bo‘lganidan so‘ng darhol o‘sha paytda suratga tushayotgan filmlarini kamaytirdi. Buning o‘rniga u “Zararlanish” va “Temir odam” kabi filmlarda kichik rollarni o‘ynadi.
Kameron Dias
https://www.instagram.com/p/9wmaXUiF4v/
2017-yil iyul oyida Kemeron Dias tuganmas suratga olish ishlaridan charchaganini aytdi va 2018-yil mart oyida u kinoni tark etayotganini, oilasi uning birinchi o‘rinda ekanini tan oldi. U ilgari filmlarda suratga tushish uchun ajratgan kuchini endi o‘zining kichik oilasiga bag‘ishlamoqda.
Sara Mishel Gellar
https://www.instagram.com/p/B2o7a_EjOcV/
Sara Mishel Gellar 2009-yilda birinchi marta ona bo‘lganidan keyin aktrisalik faoliyatida tanaffus qildi. Keyin farzandlari bilan ko‘proq vaqt o‘tkazish uchun u film va multfilmlar dublyaji bilan shug‘ullana boshladi.
Kristina Agilera
https://www.instagram.com/p/CDm4GO-pxmf/
Kristina Agilera uchun bolalar birinchi o‘rinda turadi. Xonanda bolalar uchun gastrol safarlarini 10 yilgacha to‘xtatgan. Uning ochiqchasiga tan olishicha, onalik va karyerani birlashtirish juda qiyin. Ammo u “Ovoz” shousidagi murabbiy roliga rozi bo‘ldi, chunki gastrol jadvali bilan solishtirganda, bu bolalar bilan ko‘proq vaqt o‘tkazish uchun ajoyib imkoniyat edi.
Robin Rayt
https://www.instagram.com/p/CLK70NnBZDh/
Robin Rayt o‘zining katta yoshli bolalariga g‘amxo'rlik qilish uchun aktrisalik faoliyatini to‘xtatib qo‘yishdan qo‘rqmadi, turmush o‘rtog‘i Shon Penn esa faoliyatini davom ettirdi. U buni har doim ona bo‘lishni xohlagani va bolalari uning uchun birinchi o‘rinda ekanligi bilan izohladi. Uning fikricha, ota-onalardan biri ishlayotganida, ikkinchisi bolalar tarbiyasiga e’tibor qaratishi kerak.
Jessika Alba
https://www.instagram.com/p/CTgS6BqHQv7/
Jessika Alba ayni shon-shuhrat cho‘qqisida aktrisalik faoliyatini yakunladi. U o‘z karyerasidagi tub burilishni 2008-yilda qizi Onor tug‘ilgandan keyin dunyoqarashining o‘zgargani bilan bog‘ladi. Keyin esa uning yana ikki farzandi dunyoga keldi: qizi Xeyven va o‘g‘li Xeys.
Izoh (0)