2021-yilda ijtimoiy tarmoqlardagi eng ko‘p muhokama qilingan turk aktrisasining nomi ma’lum qilindi (foto)

Adba Analytics agentligi 2021-yilda ijtimoiy tarmoqlardagi eng mashhur turk aktrisasining nomini e’lon qildi, deb yozadi “RusTurkey.com”.

Taqdim etilgan ma’lumotlarga ko‘ra, 2021-yilda Xande Erchel ijtimoiy tarmoqlarda eng ko‘p muhokama qilingan aktrisaga aylandi.

Agentlikning xabariga ko‘ra, ikkinchi o‘rinni Su Burju Joshkun, uchinchi o‘rinni Aycha Ayshin Turan egalladi.

To‘rtinchi va beshinchi o‘rinlarga esa Demet O‘zdemir va Ebru Shahin loyiq deb topilgan.

Oltinchi o‘rinni Tuba Buyukustun, yettinchi va sakkizinchi o‘rinlarni Sila Turko‘g‘lu va Jemre Baysel egalladi.

Ammo ko‘pgina turk tomoshabinlari reytingni haqqoniy bo‘lmagan degan fikrda, chunki unda Fahriye Evjen ismi yo‘q edi. Aksariyat foydalanuvchilarning fikricha, Burak O‘zchivitning rafiqasi birinchi o‘rinni egallashi kerak.

O‘z navbatida, tahlilchilar reytingni faqat ijtimoiy tarmoqlardagi aktrisalar haqidagi nashrlar sonini aks ettiruvchi raqamlar asosida tuzganliklarini ta’kidlab o‘tgan.