Bugun,

  • USD 11095.31
  • RUB 173.84
  • EUR 10772.44

SpaceX asoschisi Ilon Mask Twitter’dagi sahifasida kosmik kompaniya atmosferadan ajratib olinadigan karbonat angidriddan raketa yonilg‘isi ishlab chiqarish dasturini ishga tushirayotganini ma’lum qildi.

“SpaceX atmosferadan CO2 ni ajratib olish va uni raketa yonilg‘isiga aylantirish dasturini amalga oshirishga kirishmoqda. Agar qiziqsangiz, marhamat, bizga qo‘shiling”, — deb yozgan Mask Twitter’da. Uning qo‘shimcha qilishicha, bu Marsga parvozlar uchun ham ahamiyat kasb etadi.

SpaceX Falcon 9 raketasi yonilg‘i sifatida kerosindan foydalanadi, u esa boshqa kimyoviy moddalar singari atmosferaga karbonat angidrid chiqaradi. Bundan tashqari, kompaniyada Marsga parvozlar uchun yaratilayotgan Starship kosmik kemasi Raptor dvigatellari bilan ishlaydi. Raptor esa yonilg‘i sifatida suyuq metan va suyuq kisloroddan foydalanadi. Qayd etilishicha, karbonat angidriddan metan ishlab chiqarish uchun foydalanish rejalashtirilmoqda.

Karbonat angidrid yerdan qazib olinuvchi yonilg‘ilarning yonishidan hosil bo‘ladi. U iqlim inqiroziga hissa qo‘shadigan asosiy issiqxona gazi hisoblanadi.

Aprel oyida Ilon Mask karbonat angidridni tejamkor ravishda yonilg‘iga aylantirish yo‘lini topadigan ixtirochiga 100 million dollar va’da qilgandi.

Izoh
Asosiy yangiliklar
Mahalliy
“Hozir barcha kuchlarni aholiga gaz yetkazib berishga safarbar qilganmiz” — “Hududgazta’minot” rahbari
Salomatlik
Bayramgacha tezda vazn yo‘qotamiz: parhezshunosdan maslahatlar
Sport
Braziliya yetakchi, Fransiya — 2, Argentina 5-o‘rinda. The Guardian JCH—2022 favoritlari ro‘yxatini e’lon qildi