Navoiy viloyati Nurota tumanida qarindoshining to‘yiga ketayotgan ona va bola avtohalokatga uchradi, deya xabar bermoqda viloyat IIB axborot xizmati.
Ma’lum qilinishicha, Jizzax viloyatining O‘rtaovul qishlog‘ida yashovchi 1962-yilda tug‘ilgan fuqaro Nexia-2 avtomobilida Navoiy viloyatining Nurota tumaniga jiyanining to‘yiga kelayotgan edi. Haydovchi xavfli burilishda boshqaruvni yo‘qotishi sabab avtomobil ag‘darilib ketadi.
Oqibatda mashinada yo‘lovchi sifatida kelayotgan haydovchining onasi 80 yoshli ayol voqea joyida vafot etadi.
Mazkur holat yuzasidan Nurota tumani IIB Tergov bo‘limi tomonidan Jinoyat kodeksining 266-moddasi 2-qismi (odam o‘limiga sabab bo‘lgan transport boshqarish xavfsizligi qoidalarini buzish) bilan jinoiy ish qo‘zg‘atilgan.
Bundan avval Qashqadaryoda Nexia’ga o‘rnatilgan gaz balloni portlagani, Toshkentda avtobusga borib urilgan Lacetti haydovchisi voqea joyida vafot etgani hamda Toshkentda Matiz yo‘l chetida turgan uch nafar piyodani urib yuborib, ag‘darilgani haqida xabar berilgandi.
Izoh (0)