Навоий вилояти Нурота туманида қариндошининг тўйига кетаётган она ва бола автоҳалокатга учради, дея хабар бермоқда вилоят ИИБ ахборот хизмати.
Маълум қилинишича, Жиззах вилоятининг Ўртаовул қишлоғида яшовчи 1962 йилда туғилган фуқаро Nexia-2 автомобилида Навоий вилоятининг Нурота туманига жиянининг тўйига келаётган эди. Ҳайдовчи хавфли бурилишда бошқарувни йўқотиши сабаб автомобиль ағдарилиб кетади.
Оқибатда машинада йўловчи сифатида келаётган ҳайдовчининг онаси 80 ёшли аёл воқеа жойида вафот этади.
Мазкур ҳолат юзасидан Нурота тумани ИИБ Тергов бўлими томонидан Жиноят кодексининг 266-моддаси 2-қисми (одам ўлимига сабаб бўлган транспорт бошқариш хавфсизлиги қоидаларини бузиш) билан жиноий иш қўзғатилган.
Бундан аввал Қашқадарёда Nexia’га ўрнатилган газ баллони портлагани, Тошкентда автобусга бориб урилган Lacetti ҳайдовчиси воқеа жойида вафот этгани ҳамда Тошкентда Matiz йўл четида турган уч нафар пиёдани уриб юбориб, ағдарилгани ҳақида хабар берилганди.
Изоҳ (0)