Film Kann, Nyu-York, Parij va Barselonada sentabr—oktabr oylari nominatsiyalarida g‘olib bo‘ldi.
Kann
- Silk Road Cannes festivalida “Best Dance Film” nominatsiyasida g‘alaba;
- Cannes World Film Festival’da “Best Dance Film” , “Best Asian Film” nominatsiyalarida g‘alaba.
“O‘zbek raqsining afsonalari” filmining finaldagi raqiblari “Crimson’s Cabaret” (AQSh) va “The Dust In Your Place” (Filippin) bo‘ldi. Ta’kidlash joizki, bu yil World Film Festival kinofestivalining turli nominatsiyalari bo‘yicha g‘oliblar orasida “The Jewels of The Salton Sea” filmining hamprodyuseri Maykl Medsen, “My American Family” serialidagi roli uchun Denni Trexo, Niko Santuchchining “Sarogeto” filmidagi roli uchun Erik Roberts, “Draw With Me” qisqa metrajli filmi uchun Jennifer Lopes kabi yulduzlar bor.
Nyu-York
New York Movie Awards festivalining “Best Director Feature Film” nominatsiyasida g‘alaba
NYMA hakamlar hay’ati a’zolari orasida ssenarist va aktyor, “Gossip Girl” serialining yaratilishida ishtirok etgan, shuningdek, chet el tomoshabinlariga Mishel Pfeyfer va “Oskar” mukofoti sohibi Vinchenso Cheramining qizi, ssenarist Aisha bilan birga o‘ynagan “Bo‘ron” spektaklidagi roli bilan tanish Yari Gugliuchchi ham bor. Aisha Juzeppe Bertoluchchining “Yo‘qolgan narsalar” filmidagi roli bilan mashhur.
Parij
Paris Cinema Awards festivalida “Best Feature Documentary” nominatsiyasida g‘alaba
PCA har oy 26 nominatsiyalar bo‘yicha mukofot topshiradi. Sentabr oyining g‘oliblari orasidan AQSh va Yevropa filmlari o‘rin olgan.
Barselona
Barcelona International Film Festival’da “Best Dance Film” va “Best Soundtrack” nominatsiyalarida g‘alaba
BIFF — har mavsumda o‘tkaziladigan va 32 ta nominatsiya bo‘yicha dunyo mustaqil kino ijodkorlarining filmlarini taqdim etadigan jahon kinosining muhim indi-festivallaridan biri.
“O‘zbek raqsining afsonalari” filmi, shuningdek, Rome Movie Awards va Los Angeles Film Awards festivallarining “Official selection” unvoniga sazovor bo‘ldi.
Filmni quyida ko‘rish mumkin:
Reklama huquqi asosida.
