“Daryo”ni Telegram’da o‘qing! Join!
21:58, 22.10.2021 35613

“Tinib-tinchimagan odamlar nimalarni o‘ylab topishmaydi-ya?” Niderlandiyadagi hayotning o‘ziga xosligini ifodalovchi suratlar

Ilg‘or texnologiyalardan eng birinchilarda bo‘lib foydalaniladigan lolalar mamlakati — Niderlandiyaga bejiz Yevropaning Yaponiyasi deb ta’rif berilmaydi. Aholining qulayligi hamma narsadan ustun turadigan mamlakat bilan bog‘liq ma’lumotlar kishini lol qoldirishi aniq, deya hikoya qiladi AdMe.

Supermarketlardagi personal skanerlar

Foto: AdMe

Do‘konlarda xarid amalga oshirganda kassadagi vaqtni tejash uchun personal skanerlardan foydalansa bo‘ladi. Savdo zalining kiraverishida joylashgan uncha katta bo‘lmagan devaysni aravachalarga o‘rnatsa ham bo‘ladi. Peshtaxtalardagi mahsulotlarni olish bilan undagi shtrix kodni skanerga ko‘rsatish kerak. Barcha kerakli narsalarni olgandan keyin to‘lovni ham ushbu skanerda amalga oshirsa bo‘ladi. Buning uchun bank kartasini skanerga ko‘rsatish kifoya. Yana bir boshqa variant ham bor. Buning uchun telefoningizga maxsus ilovani yuklab olib, mahsulotlarni telefon kamerasi orqali skanerlasa ham bo‘ladi.

Velosipedchilar uchun chiqindi qutisi

Foto: AdMe

Qulay ekani sabab ham Niderlandiyada velosipeddan keng foydalaniladi. Velosipedlar harakatlanadigan yo‘llarning chetida esa tezlikni pasaytirmasdan turib uloqtirish imkonini beruvchi chiqindi idishlari o‘rnatilgan.

Plastiksiz mahsulotlar sotiladigan dunyodagi birinchi do‘kon

Foto: AdMe

Niderlandiyadagi supermarketlardan birida 700 mingdan ortiq plastik bo‘lmagan mahsulot o‘rin olgan bo‘lim bor.

Qo‘riqxonalarda ho‘kizlarni uchratish mumkin

Foto: AdMe

Qo‘riqxona bo‘ylab sayr qilganda yo‘ldan ho‘kizlarning chiqib qolishi Niderlandiya uchun tabiiy.

Harakatlanadigan poyezd uchun avtoyuvish shoxobchasi

Foto: AdMe

Bir necha yil avval Niderlandiyada soatiga 20 km tezlikda harakatlanayotgan poyezdni chinnidek toza qilishga mo‘ljallangan avtoyuvish shoxobchasi ishga tushirilgan. Ekologik va ancha tejamkor hisoblangan ushbu shoxobchada yuvish uchun oddiy sovundan foydalaniladi. Jarayon, darhaqiqat, poyezd yuvilishi kerak yoki yo‘qligini tekshiradigan kompyuterdagi tizim orqali boshqariladi.

Mayonezli kartoshka fri

Foto: AdMe

Niderlandiyada mayonezdan ham va fritsaus — qovurilgan kartoshka uchun sousdan ham foydalaniladi. Mayonezning yog‘i 80 foizni tashkil qilsa, fritsausda 25 foiz ekani hisobiga ushbu sous ham arzon, ham foydali hisoblanadi.

Baland karavotlar

Foto: AdMe

Niderlandiyadagi xonadonlarda joylashgan karavotlar, asosan, baland bo‘ladi. Gap shundaki, bola tug‘ilgach, tug‘uruqxonalarda bir necha soatdan keyin javob berib yuboriladi. Shundan keyin yosh ona hamshira yollashiga to‘g‘ri keladi — ushbu xizmat sug‘urtaning ichiga kirib ketadi. Ammo o‘ziga yarasha talab ham bor: hamshiraga qulay bo‘lishi uchun karavotlar ma’lum balandlikda bo‘lishi kerak. Agar unday bo‘lmasa, balandlatadigan maxsus vosita sotib olishga to‘g‘ri keladi.

Mitti avtomobillar

Foto: AdMe

Aslida nogironlar uchun mo‘ljallab ishlab chiqarilgan mashinalar keyinchalik Amsterdamning tor ko‘chalari uchun ham qulay deb baholangan. Unchalik ko‘p yoqilg‘i sarflamagani va ikki elektr bilan ishlaydigan modellar borligi esa talabning yanada ortishiga sabab bo‘lgan. Ixcham bo‘lgan ushbu mashinalarni velosiped yo‘lida haydasa ham bo‘ladi.

O‘ziga xos yechim 

Foto: AdMe

Jamoat joyida vandalizm (madaniy yodgorliklarni oyoqosti qilish)ning oldini olish va yosh hamda uysizlar deraza ostida uxlamasligi uchun g‘ishtlar qirrali qilib teriladi. Biroq mahalliy aholi bunday usullarni ma’qullamagan holda muammolarni boshqacha hal qilishga chaqiradi.

Shkafdan xo‘jalik blogi o‘rin oladi

Foto: AdMe

Bir qancha xonadonlardagi shkaflarda quvurlar, hisoblagich, qurilma va modemlar joylashadi.

Pishloq va tuxum sotiladigan avtomatlar

Foto: AdMe

Niderlandiyada mahalliy fermerlar vositachilarga alohida mablag‘ sarflamasligi uchun pishloq va tuxum sotadigan avtomatlar o‘rnatiladi. Bunda fermer ko‘proq pul topib, supermarketdagidan kamroq mablag‘ sarflaydi, mahsulotlar esa hamisha yangi bo‘ladi.

Uzluksiz yo‘laklar

Niderlandiyadagi trotuarlar katta yo‘lga ulanib ketgan bo‘ladi. Aksariyat hollarda avtomobillar yaqqol ko‘zga tashlanadigan “zebra”lar va hatto “stop” belgisini ko‘rganda ham tezlikni kamaytirmaydi. Uzluksiz yo‘lkalar dizayni esa haydovchilarni sekin harakatlanishga majbur qiladi.

Amsterdamdagi katta oynalarning tepasida ilgak bor

Foto: AdMe

Bu arqonni ilib, mebellarni uyga olib kirish va undan olib chiqish uchun maxsus o‘rnatilgan. Uy zinalari odatda ingichka ekani sabab mana shunday usul o‘ylab topilgan.

Yo‘llardagi avtomatlashtirilgan ustunlar

Foto: AdMe

Bunday harakatlanadigan yo‘l ustunlari shahar markazlaridagi transport harakatlarini nazorat qilish uchun o‘rnatilgan. Shahar avtobusi harakatlanayotgan vaqtda pastga tushgan ustun, boshqa vaziyatlarda yo‘lovchi va velosipedchilar bemalol harakatlanishi uchun mashinalar uchun yo‘l topadi.

Qoziqoyoq ustiga qurilgan uylar

Foto: AdMe

Tuproqning haddan ortiq yumshoqligi sabab uylar yer ostiga 12 metrdan ko‘proq ichkariga kiritiladigan yog‘och va beton qoziqoyoqlarga qo‘yiladi.

Kanallar chetida to‘siq bo‘lmaydi

Foto: AdMe

Kanallar unchalik chuqur bo‘lmaydi, aholining aksariyati suzishni biladi. Bundan tashqari, kanallar hududi bo‘ylab odatda yo‘lkalar bo‘lmaydi. Uncha katta bo‘lmagan bunday yerlarga ko‘pincha mashinalar qo‘yiladi.

Quyoshli yo‘l va batareyalar

Foto: AdMe

Niderlandiyada ob-havo, asosan, bulutli ekaniga qaramay, deyarli har bir uyning tomiga quyosh batareyalari o‘rnatilgan. Qolaversa, aynan ushbu mamlakatda quyosh batareyali dunyodagi ilk velosiped yo‘li tashkil qilingan. U Solaroud yoki “Quyoshli yo‘l” deb nomlanadi. Solaroud yo‘llarni yoritish, transport vositalari va elektromobillar uchun elektroenergiya bilan ta’minlaydi.

Kassada navbat kutilsa

Foto: AdMe

Niderlandiyadagi supermarketlarda 4 kishidan ortiq kishi navbatda tursa va do‘kondagi qolgan kassalar ochiq bo‘lmasa, savatchaga solingan mahsulotlardan biri bepul beriladi.

Hojatxonalarda sochiq

Foto: AdMe

Jamoat hojatxonalarida qog‘oz sochiq o‘rniga matolisidan foydalaniladi. Qo‘llar artilganidan keyin o‘sha qismi avtomatik ravishda pastga tortiladi. Foydalangandan keyin ushbu qismi yuvilib, dezinfeksiyalanadi va qayta ishlatiladi.

Lolalarning kelib chiqishi

Foto: AdMe

Piyozining 70 foizi Niderlandiya bilan bog‘liq bo‘lsa-da, lolalar ilk bor XVI asrda Usmonlilar imperiyasidan keltirilgan. Niderlandiyada lolalar har yili aprel oyining o‘rtasidan may oyining birinchi haftasigacha gullashni boshlaydi.