AQShning Las-Vegas shahrida Toshkent vaqti bilan 10-oktabr tongida og‘ir vazn toifasida WBC kamari sohibi Tayson Fyuri (32-0-1, 21 KO) va sobiq jahon chempioni Deontey Uaylder (42-2-1, 41 KO) o‘rtasidagi jang bo‘lib o‘tdi.
Foto: Getty Images
Qiziqarli o‘tgan jang 11 raund davom etdi va chempionlik raundida Fyuri raqibini nokautga uchratdi.
Dastlabki raundlar Uaylderning faolligi ostida o‘tdi, biroq 3-raundda Deontey kuchli zarba o‘tkazib yubordi va nokdaun holatiga tushdi. 4-raundda esa Tayson Fyuri ikki marta nokdaun holatiga tushdi va bong “lo‘lilar qiroli”ni mag‘lubiyatdan qutulib qoldi.
Keyingi ikki raund nisbatan teng kurashlar ostida o‘tdi. 7-raunddan boshlab ustunlik mutlaq Fyuri tomoniga o‘tdi. 10-raundda Fyuri raqibini yana bir bor nokdaun holatiga tushirdi. 11-raundda esa Uaylder navbatdagi kuchli zarbadan keyin o‘ziga kela olmadi va nokaut qayd etildi.
Shu tariqa Fyuri mazkur qarama-qarshilikning uchinchini jangini ham o‘z foydasiga hal qildi. Dastlabki jangda (2018-yil) durang qayd etilgan bo‘lsa, 2020-yilgi revanshda Fyuri nokaut evaziga g‘alaba qozongan.
