Futbol bo‘yicha Yevropa Konferensiyalar Ligasining 1-turidan o‘rin olgan o‘yinda “Roma” 16-sentabr, payshanba kuni “SSKA Sofiya” bilan bahs yuritdi.
Foto: Getty Images
Rimda o‘tgan o‘yinda umumiy hisobda 6 ta gol urildi. Dastlab 10-daqiqada mehmonlar hisobni ochishga muvaffaq bo‘lgandi. Biroq Joze Mourinyo shogirdlari 25-daqiqada Lorenso Pellegrinining golidan so‘ng muvozanatni tikladi. 38-daqiqaga kelib, Stefan ash-Shaaravi Eldor Shomurodovning uzatmasini golga aylantirdi va jamoasini hisobda oldinga olib chiqdi. Shundan keyin “Roma” yana 3 bor Bolgariya klubi darvozasiga yo‘l topdi. Pellegrini dublni rasmiylashtirgan bo‘lsa, Janluka Manchini va Temmi Abraham ham o‘z nomiga gol yozdirib qo‘ydi. Abrahamning goliga ham Eldor Shomurodov assistentlik qildi, o‘zbekistonlik hujumchi bu vaziyatda jamoadoshini darvozabon bilan birga-bir vaziyatga olib chiqdi.
Shu tariqa “Roma” Konferensiyalar Ligasi guruh bosqichidagi ilk o‘yinni yirik g‘alaba bilan boshladi. Shomurodov esa 2 ta golli uzatmani amalga oshirdi.
“Tottenhem” “Renn” maydoniga safar qilib, 2:2 hisobidagi durangga imzo chekdi. Fransuz jamoasi safida Flavyen Te va Gaetan Labord gol urgan bo‘lsa, Pyer Hyoybyerg “shporlar”ni mag‘lubiyatdan qutqarib qolgan golga mualliflik qildi.
Konferensiyalar Ligasi
1-tur bahsi
16-sentabr, payshanba
“Roma” Italiya – “SSKA Sofiya” 5:1
Gollar: 0:1 – 10 Keri, 1:1 – 25 Pellegrini, 2:1 – 38 ash-Shaaravi, 3:1 – 62 Pellegrini, 4:1 – 82 Manchini, 5:1 – 84 Abraham.
“Roma” – Ruy Patrisiu, Karsdorp (Rojer, 46), Smolling, Manchini, Kalafyori (Kumbula, 77), Pellegrini (Abraham, 75), Vilyar (Veretu, 58), Diavara (Kristante, 58), ash-Shaaravi, Shomurodov, Karles Peres.
“SSKA Sofiya” – Buzatto, Turitsov (Donchev, 74), Matey, Galabov, Maziku, Yomov (Be, 68), Lam, Muxar, Keri, Krastev (Axmedov, 87), Vildsxut.
Ogohlantirishlar: Vildsxut (67), Lam (90).
Chetlatish: Vildsxut (80).
“Renn”—“Tottenhem” 2:2
Gollar: 0:1 – 11, avtogol Bade, 1:1 – 23 Te, 2:1 – 71 Labord, 2:2 – 76 Hyoberg.
“Qayrat”—“Omoniya” 0:0
“Flora”—“Gent” 0:1
Gol: 0:1 – 54 Lemaich.
“XIK”—“LASK” 0:2
Gollar: 0:1 – 15 Maresich, 0:2 – 89 Monshayn.
“Mura”—“Vitess” 0:2
Gollar: 0:1 – 30 Tronstad, 0:2 – 69 Duki.
“Slaviya”—“Union Berlin” 3:1
Gollar: 1:0 – 18 Ba, 1:1 – 70 Berens, 2:1 – 84 Kuxta, 3:1 – 88 Shrans.
“Slovan”—“Kopengagen” 1:3
Gollar: 0:1 – 18 Vind, 1:1 – 21 Xenti, 1:2 – 41 Stage, 1:3 – 68, penalti Vind.
“Linkoln”—“PAOK” 0:2
Gollar: 0:1 – 45 Akpom, 0:2 – 56 Mitritse.
“Qorabog‘”—“Bazel” 0:0
“Anortosis”—“Partizan” 0:2
Gollar: 0:1 – 42 Menig, 0:2 – 68 Rikardu Gomesh.
“Bude Glimt”—“Zarya” 3:1
Gollar: 1:0 – 48 Saltnes, 2:0 – 49 Solbakken, 3:0 – 60 Pellegrino, 3:1 – 90 Gromov.
“Yablonets”—“CHFR” 1:0
Gol: 1:0 – 52, penalti Pilarj.
“Randers”—“AZ Alkmar” 2:2
Gollar: 0:1 – 24 Klasi, 1:1 – 27 Pizinger, 1:2 – 34 Pavlidis, 2:2 – 68 Graves.
“Makkabi Tel-Aviv”—“Alashkert” 4:1
Gollar: 1:0 – 13 Peritsa, 1:1 – 17 Joze Embalo, 2:1 – 32 Kanixovskiy, 3:1 – 45, penalti Biton, 4:1 – 72 Xozez.
