O‘zbekistonda 14-sentabr kuni COVID-19 ga qarshi 255 739 doza vaksina qo‘llandi, deb xabar bermoqda Sog‘liqni saqlash vazirligi. Shundan 67 040 doza birinchi bosqichda, 127 979 doza ikkinchi bosqichda va 60 720 doza uchinchi bosqichda qo‘llangan.

Foto: “Daryo” / Madina Nurman

Mamlakatda ayni kungacha jami 17 435 318 doza vaksinadan foydalanilgan bo‘lib, ulardan 1-bosqichda emlanganlar 10 147 327 nafarni, 2-bosqichda emlanganlar 5 432 992 nafarni, 3-bosqichda emlanganlar 1 854 999 nafarni tashkil qildi. Shu kungacha to‘liq emlangan fuqarolar esa 3 345 225 nafarni tashkil qilmoqda.

So‘nggi sutkada emlash ko‘rsatkichlari bo‘yicha yuqori o‘rinlarni:

  • Andijon viloyati (29 253 doza),
  • Farg‘ona viloyati (26 048 doza),
  • Toshkent viloyati (24 203 doza) band qildi.

Jami emlashlar bo‘yicha yuqori ko‘rsatkichlar:

  • Farg‘ona viloyatida 1 970 606 doza,
  • Namangan viloyatida 1 896 709 doza,
  • Andijon viloyatida 1 890 210 dozani tashkil qilmoqda.

Vazirlik ma’lumotlariga ko‘ra, ayni paytda O‘zbekistonga keltirilgan jami vaksina 24 million 269 ming dozani tashkil qilmoqda. Emlash jarayonida ZF-UZ-VAC2001, AstraZeneca, “Sputnik V” va Moderna vaksinalaridan foydalanilayotgandi. 13-sentabr kuni ilk bor Pfizer/BioNTech vaksinasi olib kelindi va O‘zbekistonda qo‘llanadigan 5-vaksina bo‘ldi.